Qiddist Gezaheny
Addis Ababa:– Tigrayete amuwi oosonke mama no yitannota jawa dagate xa’mo kayisansa albihu HWHT sharramaanchi kalaa Liilay Hayile Maariyamihu xawisi.
Albihu HWHT sharramaanchi kalaa Liilayi Itophiyu Pireesete Uurrinsha ledo assino hasaawinni; Tigrayete qoqqowira oosonke mama no yaannoha jawa dagate canco kayisansa basete afantino daga buuxissino.
Qaccetenni qaccete geeshsha oosonke mama no? yitanno huuro macciishshantanni afantanno. Oosonke gudisiissine mayira xooqqinanni? ola mayra hanaffini? Yite Tigrayete amuwi cancishaano gaamo xa’motenni qalxite amada hanaffino yaanni coyi’rino.
Cancishaano gaamo dirtino olamaano gaamotenni tantanante diolammeemmo yite qaensa higganni afantanno. Tini xa’mo cancishaano gaamo gumulo shiqqinota leellishshannote yino.
Tigrayete amuwi xa’monna dagate canci kaajje sufanno gede jawu poletiku loosi loosama noosi yinohu kalaa Liilayi; Tigrayete giddo iillo noonsare Raadoonete xaawubba horonsidhe Tigrayete oosonna ilamara mashalaqqe iillisha hasiissannota xawisino.
Wedella woshshite hasaawisatenni Geetaachew Reddaoo kapho ikkikkinni uulla noo halaale huwachishatenni darote gede giggilanno wedelli daafira halaale fushsha hasiissanno. Geetaachew Reddahu olammummokkinni Shewanna Wollo agurre fulloommo yinoha ikkirono halaalu kayinni 10 kuminni kiirranniri Tigrayete wedelli mullawa gatansaati. Konne halaale Tigrayete amuwira egensiisa hasiissanno yino.
Addis Abebaho afantannori Tigrayete ilama ikkitino daga cancishaano giwatenni keeru dira fultanni afantannoha ikkirono sharronsa ikkado ikkitinokkihura keeru dira hinge hinge fula hasiissanno yaannohu kalaa Liilayi; Tigrayete wedelli gooffanni noota dira harinsanni egensiisanna xa’ma hasiissannota coyi’rino.
Tigrayete qoqqowira heedhanno amuwinna annuwi oosonke mama no yite xa’miturono cancishaano gaamonni miico iillitannonsa daafira huuronsa macciishshiishshannonsa bissa hasiissanno. Konnirano Addis Ababaho heedhannori Tigrayete ilama ikkitino daga noo akata huwatatenni xa’mo kayissanni HWHT gaamo yaachisha hasiissannonsa yino.
Halallaho giggilanno wedella afi’ni kaayyonni uurrisanna anga uytanno gede xa’ma hasiissanno. Xaa yannara amma’note basera anga uytanni noo wedelli hee’ransa huwatatenni Tigrayete wedelli angansa mootimmate aa hasiissannonsa yaanni sokkasi saysino.
Kalaa Liilayi xawishshi garinni; wole widoonni Itophiyunniri Tigrayete ilama gobbate aana iillitanni noo horro ittisate Itophiyu roduuwinsa ledo ikkatenni gumultannoha danchummate looso kaajjisha hasiissannonsa. Tigrayete dagano oosonke mama no yitanno xa’mo kaajjishshe suffanno gede sharro assa hasiissanno yino.
Bakkalcho Sadaasa 7/ 2014
