Abbebech Maatewos
Addis Ababa:– Halantino mangistuwa hundaanni afantanno uurrinshuwa Itophiyu cancishaanchu gaamo fantinose oli kaiminni seera agarsiisate tiiu gaado hanaffunkunni kayisse xiiwo kalaqqanni keeshshitinota IFDR Mootimmate komunikeeshine owaante minister Dieeti Kebbede Desiisihu egensiisino. Halantino mangistuwa uurrinsha Itophiya lainohunni woshshitino gambooshshi doogimale ikkinotano xawinsoonni.
Mootimma mannimmate qoosso amadooshshinna buuxo assinanni gede assitinoti konninnino halantino mangistuwa uurrinsha mannihimmate qoosso komishiinenna Itophiyu mannihimmate qoosso komishiine; Itophiyaho mannimmate qoosso gawajjo iillinshoonni yinoonnita gutunni buuxxe saihu Birru aganira rippoorte fushshitinotano qaagiissino.
Mootimma uyinoonni hedo adhite loossanni nootanna babbaxxitino qaafono adhitanni noota xawisinohu Dieetichu; halantino mangistuwa uurrinsha Itophiyu assitanni noo wo’naalsha naada heedheennasi halaale maafe sa’’ate aleenni Itophiya lainohunni xaa yannara woshshino gambooshshi garimale harinsho ikkinota egensiisino.
Ga’labbote amaale mini gobbanke lainohuni woshshi’rino gambooshshira mitten Afriku gobbuwa malaatissinokkitanna sumuu yitinokkita kulinohu Dieetu; uurrinsha galchimi gobbuwa sokko calla gumulsiissannota ikkase huwachishannoho yee; konninnino taalo ikkino garinni gobbuwate daafira losanni no yaate dandiissannokkiha ikkasi xawisino.
Itophiyu mootimma mannimmate qoosso miicantannokki gede qorophite qaafo adhitanni noo geeshsha togoo gambooshshe woshsha digaraho. Itophiyu mootimma dhaggenni mitte yannarano mannihimmate qoosso xiiwo buuxo assitanno gede difajjinoonni; fajjinoonnihu xaati. Kuni ikke noo yannara uminsanni qaafo adhate wo’naala uurrinsha dhaggete so’ro loossanni no yino; Dieetichu xawishshisinni.
Cancishaanchu HWHT gaamo horrite amaddino Amaarunna Affaarete qooxeessuwara mannimmate qoosso aana hala’ladunni gawajjo iillishinotano hattonni. Gobba diigate qodhite ka’inori cancishaanchu HWHT gaamonni qaaqquullunna molokse gattukkinni meentu seyaataminoha ikkanna keeraano qansoota raafatunni shite guddinotano Dieetichu Kebbede Desiisihu xawishshinni buuxise; mannunna jajju aana addinta lowo gawajjo iillishshinota uurrinsha affanni heedhe lawashshi yitinotano kulino.
Xaa yannara wo’mante kalqera Itophiyu qansootinna ilamanni hattono baxillaanonni kadote gashshooti ikkonkena ‘’NoMore’’ yitanno sharro kaajjite suffinota xawisinohu Dieetichu; amandoonni agani goofimarchirano 1 miiliyone Itophiyu qansooti gobbansara dagge Gannunna Cuuammete ayyaana ayirrissannonna daa’’attanno gede assate mootimma doogga injeessitanni nootano xawisino.
Bakkalcho Sadaasa 7/ 2014
