Kiddist Gezaheny
Itophiyu dagate kofeenyi macciishshaano uurrinsha qara macciishshaancho affaaretenna Amaaru qoqqobbara iillitino gaamotenni gadachinshe siyata, mannoomittete qoosso xiiwonna jajju ba’’ara kaimu Tigrayete daga massangeemmo yite ofoltinori Debretsiyoniuu gaamo buqqee gumaati yino Itophiyu dagate koffeenyu macciishshaano uurrinsha qaru koffeenyu macciishshaanchi dokter indaale Hayilehu.
Dokter Indaale Itophiyu Pireesete Urrinshara xawisino garinni; cancishaano gaamo horrite amaddino Amaarunna Affaarete qoqqobba qooxeessubbara iillishshinoti mannoomittetenna jajju gawajjo Manchu beetti surre heddannohu aleenniiti. Tenne daga ledo mitteenni hee’noommo, aanteteno mitteenni hee’neemmo akati kalaqamanno. Ikkollana cancishaano gaamo iillishshanni noo gano mitteenni hee’neemmokki gede assitannote’’ yino.
Hattono cancishaano gaamo iillitino base baalantera meento baxxinohunni geerrunna qaaqquullu gatikkinni shigiggisanno garinni siyatantino. Tini mannoomittetenna jajju aana iillinshanni gano qinaabbinohunna iillitanno gede assinoonnihu Tigrayete daga massangeemmo yite ofoltino Debretsiyoniuu widoonniiti.
Gawajjo iillitanni noohu HWHT massagaano haja assite uytanno massagooshshinni ikkinnina base basenta iillitannori hunaanonna qodhaano hedeweelcho kalaqqinota di ikkitino. Gaamote giddo kalaqantinoti bunshete hedo manchi beetti surre loossanno yine hendannihu aliidite yaanni xawisino.
Kalqoomu deerrinni Alqayidu, Bokoharaaminna babbaxxitinori cancishaanote yine bandoonni gaamo iillishshinohunni ajjinokki gano iillishshinota HWHT kalqoomu daga cancishaanote yaate dibaxxino. Korkaatuno albano ikkiro Dargete ledo olantanna badheenni heedhe irko assite sa’ino. Xaano cancishaanote yaa hoogansa calla ikkikkinni badheenni heedhe Itophiya qassanni noota dokter Indaale xawisino.
Itophiyu dagate koffeenyu macciishshaano uurrinshano cancishaano gaamo iillishshanni noo barshe Associated press ra, Ajans France Press ra, Ameeriku huurora (VOA)nna Jermenete huurora mashalaqqe iillitanno gede assitinno. Loossanni noota sorote mashalaqqe buuxxe adhitanno gede mashalaqqe aansa qaru koffeenyu macciishshaanchi qummi assino.
Qaru koffeenyu macciishshaanchi huwachishinno garinni; kalaqamino dagoomittete, poletikunna miinju qarrira kaimu cancishaano gaamo assoote ikkirono kalqoomu uurrinshuwa cancishaano gaamo giwate hasatto dinonsa. Roorenkanni sorote odoo fincatenni irkissanna la’nanni hee’noonniha ikkasinni loosonsa xawo fushshate uurrinshu loosanni afamannota dokter Indaale coyi’rino.
Bakkalcho Bocaasa 30 / 2014
