Abbebech Maatewoos
Ameeriku Afriku gobbuwa babbaxxino laalchonsa qaraxiweelo gobbansa eessitanno gede fajjitanno AGOA kaayyo horaameeyyimmanni Itophiya fushshate murase, Ameeriku Udduunnunna Ko’’attete Industirra aana masille kalaqqino yinoonni.
Ameeriku Udduunnunna Ko’’attete Maawari (AAFA) boorde gambisaanchi pirezidaantenna qara loosu gumulsiisaancho ikke owaatinohu Rik Helfenbeyn Forbsi maxaafichote aana borreessino garinni tini mu’ro jawa sorooti yino.
Tino gumulo ayno agarinokkitanna Ameeriku udduunninna ko’’aattete industirubba Afrikaho assitino investimentera waaga ajishshannota ikkase xawisino.
Xaa yannara Ameeriku AGOA gobbuwate aana xiiwo kalaqate hayyo asse horonsi’ranni nootaati Helfenbeyni borrosinni xawisinohu. Kunino horontanni sorote yee tenne harinsho effi`re giwino.
Itophiyu xaaddinose shetto harunse Ameeriku togoo mu’ro saysasi haammata dureeyye maayra yitanno xa`mo kayissanno gede gadachishshinonsata xawisino.
Harancho yanna giddo togoota hedeweelcho gumulo saysa wole Sahara woroonni noo Afriku gobbuwara investimentete handaarira bobbakkino dureeyye aana yaaddo kalaqqinota buuxisino.
“Halaale coyi`rate AGOA Ameeriku kalaqino daddalu amanyootubbanni woyyitino horo nooseta di ikkino” yiinohu Helfenbeyni; 21 dirrara AGOA gumulo shiimare laaffinota ikkase lawishshu gede kaysino. Hattono ikkeenna batinye gobbuwa AGOA kaayyo horo afidhinota ikkase xawissanno.
Rik Helfenbeyni ledotenni AGOA Ameerikunna Afriku dagara luxuphitino kaayyo ikkite gattannokki gede Arfaasu agani geeshsha noo yanna giddo Ameeriku tenne mu’ro galagalte la’ara hasiisannota huwachishinno.
Itophiyu Oodeete Owaante odeessitino garinni; Rik Helfenbeyni mittu kumi ale kalqoomu egennamanna afansha afidhinore laalchu su’muwa riqiwanno maamara massaginoha ikkanna industirubbate ledo amadantino hajubba aana Ameeriku mootimma ledo mitteenni loosanni keeshshino. Ledoteno batinye su’ma fulino laalchi kubbaaniyi pirezidaante ikke owaatasinnino sa“e CNBC, CNN, Bloomberg, BBC nna Fox News tuqu xaadooshshi giddo industirete tittirsha shiqishatenni afamannoho.
Bakkalcho Bocaasa 30 / 2014
