Yaareed Geetaachew
Addis Ababa:- Cancishaanchu TPLF gaamo xibbuunni kiirranni keeraano qansoota Gaashenu quchumira aliyye Wollonna Antsookiyaho Gemza woradira,Aliye Shawu zoonera sircho hunate jaddo iillishinota illetenni la’ino naqaashe coyidhu.l
Danotenni gattinori tuqu xaadooshshira kultino garinni cancishaano gaamo qodhaano shigiggisanno garinni qaaqquulle,geerranna lame lubbonni no amuwa hattono bisu xe’ne noonsare mararro nookkiha shaansa xawissino. Shaate gobbaanni gaamotenni meento siattinotano buuxissino.
Dano iilliteennansa lubbotenni gattinori yitino garinni; TPLF cancishaano gaamo Gaashena horritu yannara 400 keeraano qansoota qocci assitino.
Gawajjamaano ledde xawissino garinni,cancishaano gaamo qodhaano meento si’’attino;jajja mulqidhino; hattono mannihimmate qoosso aana barshe iillishshino. Itophiyu qodhaano sa’u lamalara Gaashenu quchuma wolassitu geeshsha TPLF qodhaano quchumaho barshe iillishshanni keeshshitinota guma gede gattinori naqqassino.
TPLF qodhaano gaamo amaddino base baalate jajja horratenna mannihimmate qoosso diigate hattono mulqi’rate injiinonsakkiwa jajja billaallisate jaddo loossinotano huwachishshino gawajjantu mannooti.
Antsookiyu Gemza woradi teesaano insa widoonni tuqu xaadooshshira xawissino garinni; TPLF gaamo assooti sircho hunate; konninnino 100 manna mittimmatenni Ambo Wuha olliira Antsookiya woradira Aliyye Shewa zoonera sircho badde shitino; yitanni farcidhino. Iillishshino barshe shigiggissannota assannori 100 keeraano qansooti mereero ontu diri qaaqqina geerru hattono buqqeete qarri noonsa xiwamaano hee’ransaati yaatenni; barshe illetenni la’inori buuxissino.
Sircho hunatenna mittimmatenni shaate gawajjo TPLF iillishshinohu Bocaasa 24/2014 M.Dirinni ikkanna danotenni hakkonni reyitinokki qansooti xagisi’rate kaayyo hoogansanni lubbonsa sa’inotano buuxissino.
Cancishaanchu TPLF gaamo sircho hunate jaddo Mayikaadira,Agamsa,Cina,Qobb o,Wurgeessa,Wucaalenna Kombolchaho Amaaru qoqqowire sircho kaima assite kummatenni kiirranni keeraano qansoota mittimma shakki assitinoha ikkanna; Affaarete qoqqowira Galikoomanna Cifraho sircho badde hayissote gede midde mittimma waantinoti hanbannikki dhaggeeti.
Mootimmate owaante xawissino garinni TPLF cancishaano gaamo Amaarunna Affaarete quchumira Sircho hunate gawajjo iillishansara gobbaanni;baca Turistete iillo battalanna jajja mulqi’ransanna billaallisansa buuxissino.
Mootimmate xaadooshshi owaante buuxissino garinni,Antsookiyahonna Gashenaho shigiggissannonna manchi beetti aana iillitara hexxinannikki gawajjo iillishshinota buuxissino. Aliyye Shewa Amaari Antsookiyahonna Gaashenaho sircho hunate jaddo loossinota Mittimmate waamma afamase naqqassinota mootimmate xaadooshshi uyino xawishshi kaajjishino.
Mootimmate xaadooshshi owaante minister Di’eta Selaamaawit Kaasa uyitino xawishshinni, muli barri giddo mittimmatenni shinoonni manni kiiro dagate xaphi assine xawinsannita kultino.
Bakkalcho Bocaasa 30 / 2014
