Abbebech Maatewoos
Addis Ababa:- Gaashenu olantonnita istiraateejete base ikkase gede gobbate olantonni amadamase gattino qooxeessuwano amadatenna ola qeelletenni jeefisate kaa`litannota birgaadeel jeneraal Waasihuun Nigaatu xawisi.
Birgaadeel jeneraal Waasihuuni Itophiyu pireesete uurrinshara xawisino garinni; olu yannara qeelle assate horo afidhino base amada hasiissanno. Baarigaaru Gaashena amadate hasi`rino qaru korkaatino olantote baatto ikkasenniti.
Olantonnita istiraateejete bayicho ikkasenni hattenne base wolassa gobbate olantora lowo geeshsha horo noose. Qooxeessu amadami gedensaanni halaalaancho mashalaqqenni gawajjate kaa`litanno.
Mooraale aannoha ikkasinnino Gaashena amada gobbate olantora horose luphi yitinote. Gargarooshshu olantora, addi wolqaranna milishaho olamate mooraale aanno; gattino qooxeessuwano amadatenna ola qeelletenni jeefisate kaa`litanno. Qeellete jawimma udisiissanno.
Shittaho, waadaanchohonna mulqaancho HWHT gaamora Gaashena agure fula luphiima gawajjooti yino. Gaashenu olu basera worba gobbate gargarooshshu olanto, Amaarunniti addi wolqa milishanna faanno mittimmatenni assitino sharronni Arbiiti, Aqetinna Daabonna Gaashenu quchumma wolassitinota bero xawinsoonni.
Konne olu basera baarigaaru batinye agannara mulqinota jiro horonsiratenni horre amadino qeexeessira daga gadachatenni loosiisinota jawa qiisho qinaabbino mixonni, massagonna tekinoloojetenni kaa`lamatenni aja kakkalooshshinni qiisho hiiqqinoonnitanna olanto Laalibelu, Weldiyunna Wegel Xeenu widoonni xaa yannara albira higge bobbakkanni noota mootimmate komunikeeshine owaante ministirchi Dr Leggese Tullu bero xawisinoti qaangannite.
Bakkalcho Bocaasa 23/ 2014
