Qiddist Gezaheny
Addis Ababa:- Gaashinaho diinu qeelamasi harunseno Itophiyu dagara hawalle tashshi yii’ne yiino Olu xawira leelle olunnita jeefote mixo aana hasaawa assinohu Xaphoomu ministrchi Dr Abiy Ahimedihu harancho yannanna shiima kakkalonni Itophiyu qeelle buuxisiinsanni biddissa uyno.
Olanto luphiimu kakkaooshshi aana afantannotanna diinuno qeelamanni noota xawisinohu Xaphoomu Ministrchi; gariweelo mixonni e’’ino diini ei garinni fula dandaannokkita coyi’rino.
Cancishaanote mixo gumulsate dirantinori baalunku angansa keerunni mootimmate aatenni umonsa gatissanno gedenna Tigrayete maateno oosonke mamira iillitu yite xa’mitanno gede Xaphoomu Ministrchi woshshatto shiqishino.
Itophiyu hasatto keerenna latishshaho yinohu Xaphoomu Ministrchi konni oli giddora e’noommohu gadachammeetiyino. Qeelanke kayinni digattannote yaanni Itophiyu qeelaanchimma xawisino. Olu xawo, Dipploomaasetenni, miinjunni, xaadooshshunni, sinqe qixxeessatenni, gaadaanote amadooshshe assatenni, ga’labbo agarsiisatenni, qaensanni darantinore irkisatenni, baalante basenni gaaddinoonni baalira hawalle tashshi yino’ne Dr Abiyi Gaashinu qeelle gedensaanni.
Bakkalcho Bocaasa 23/ 2014
