Abrahaam Saamueel
Addis Ababa:- “Gaado Mittimmankera” Xaphoomu Ministirichi Dr Abiy Ahimedihunni massagamanni noohu Itophiyu oli meessi olanto Gaashanu Olu battalara borreessantino qeelle IPU odeessaano basetenni iillishshino.
Gaashinu olu battalara bareedda gargarooshshu olanto, Amaarunniti addi wolqa, Milishunna Faanno mittimmatenni halante assitino gaadinni Arbiiti, Aqeeti, Daabbannanna Gaashanu quchumma diinu anganni wolaphitino.
Konni oli xawira haammata agannara diinu horrino jajja horoonsi`re horre amadino qooxeessi daga gadadise loosiisinoha simmintote goda halantino mixonni, massagonninna tekinolojetenni irkisamme boode kakkalamanni simmintote goda diigatenni xa olanto Laalibela, Woldiyanna Wogel Xeenu ragira tenne saatera alba higge bobbakkanni noota Mootimmate Kominikeeshiine Owaante Ministerchi Dr Laggasi Tulluhu be’ro fatalakkite odoonni xawisino.
Bakkalcho Bocaasa 23 / 2014
