Yaareed Geetaachew
Yirgaalamete quchumi gashshooti kantiiwi kalaa Derrese Alemuhu Itophiyu pireesete uurrinshara xawisino garinni; quchumu teessaano konni albaannino gobbate gargarooshshu olantora irko assitanni keeshshitino.
Gobbate aleenni ikkinori dino; gobba heedhuro hee’nanni, loosi’nanni, miinji’rano dandiinanni yaannohunni quchumu teessaano 10 miiliyone ale hendanni woxinni babbaxxitino irko assinoonni.
Gobbate keerinna mittimma agarantanno gede quchumu deerrinni hasiissanno irko assatenni qansichimmate qeecha fulate wo’manti dagate bissa kakkaooshshunni irkonsa kaajjishshe suffanni noota xawisino.
Woxunna babbaxxinorinni calla ikkikkinni mundee aatenni hattono olu base geeshsha gaadatenni gargarooshshu olantora jawa hale ikkatenni gobba diinunni gargarate assitanni noo irko luphiima ikkitinotano kantiiwu lede xawisino.
Konnirano quchumu teessaanono ikkito qooxeessu dagoomi wo’munku mitimmansa kaajjishidhe qarqaru keere agaratenni ga’labbote mitiimma ikkannori kalaqamannokki gede qarqaransa baqqinatunni agaratenni ga’labbote bissara jawa hale ikkitanni afantannotano hattonni.
Bakkalcho Bocaasa 16 / 2014
