Abrahaam Saamueel
Addis Ababa:- Sasu Juntu mannooti tonnunna honsu diri qaaqquuli`ya albaanni illensanni la`anna gadasisse assitinoe yite Amaaru Qoqqowira Cancishaanchu HWHT nni gadadinse siimu xaadooshshe assinoonni 70 meenti mereero mitikkiti dukko Gebeyaneshi coydhino.
Amaaru Qoqqowira babbaxxino olliira gadadinse siimu xaadooshshe assa, horranna keeraano manni aana jaddo iillinshoonnita Aminesti Ineterinashinal xawo assitino ripoortera sasu HWHT mannooti tonnunna honsu diri qaaquulli albaanni gadadisse siimu xaadooshshe asse gawajjo iillishinoseta Dukko Gebayanesh coydhino.
Dukko Gebayaneshi ledde, “Sasu HWHT mannooti tonnunna honsu diri qaaqquulli albaanni gadadisse siimu xaadooshshe assitinoe. Hattenne yannara qaaqquulli`ya wi`litanni no. Mini`ya giddo no shuronna barbare adhitu. Urde fushshite leellishanni waajjishiishe gosa`ya su`ma kaima assite busha xononni xontinoe. Hasidhannore loosse ka`u gedensanni tugge hadhu. Ane aana iillitino jaddonna gawajjo konneeti yee kule diafeemma” yite Amenesti Internashinalete coydhino.
Wole Cancishaanotenni gadadinse siimu xaadooshshe assinoonniti 45 diri ama Nifasi Mewucaho teesaancho coydhanni,”Barru Woxawaajje mitoho. Shoole ikkitanno HWHT mannooti mini`ya widira dagge buna aammansara xa`mitue. Buna aammansara albaanni gaamotenni gadadisse siimu xaadooshshe assitue. Ooso`ya abbi yite gadadisuerono giwummata gosa`ya su`ma gantanni bushare yite xontinoe” yitino Dukko Imineti.
Aminesti Interinashinaale haadhe fultino ripoortera, HWHT gaamo Amaaru Qoqqowira Nifasi Meucahonna ddi addi qooxeessi aana haammata meento gaamotenni gadadise siimu xaadooshshe assinotanna, uduunne horranna bisu aana gawajjo iillitinosata egensiisino.
Aminesti Interinashinaale ripoortete xawisinonte gede, Woxawaajje agani giddo Nifaasi Mewucu quchumira calla 16 meento ajinokkiha HWHT gaamonni gadadinse siimu xaadhooshshe assinoonnitanna miinjansanna uduunnensa horrinoonnita leellishanno.
Gawajjo iillitinonsa mannooti Amenesti Interinaashinalera uytino qaali kaiminni 16 meenti giddo 14 ikkitanno meenti Cancishaano gaamo olantonni gaamotenni gadadinse siimu xaadooshshe assinooninsatanna qoleno gantanni addi addi busha xono xontinonsata xawisino.
HWHT Cancishaano gaamo Amaaru Qoqqowira Wodiidi Gonderera Gayinti Woradi giddo noota Nifaasi Mewucu quchuma Woxawaaje 6 kaayisse 15 geeshsha honsu barri giddo calla gashshite keeshshitinota qaagistinoti ripoorte, konni barri giddo fayyimmate uurrinsha horrite hattono dagate aana addi addi gawajjo iillishshinota qummi assitino.
Amaaru Qoqqowi biilto Amenisti Interinaashinaalete uytino qaalinni 70 ale ikkanno meenti HWHT gaamonni gadadinse siimu xaadooshshe assinoonnita coydhe, konni giddo bisu aana gawajjo iillitinonsata kultino.
“Gawajjo iillitinonsa manni giddo illete la`inori coydhani, HWHt gaamo iillisshhino gawajjo olu jaddonni xa`mama noonsatanna mannihimmate qoosso kiso ledo taalo ikkinota” xawisanori Amensti Interinashinaalennihu qaru borreessaanchi Aginesi Kalamerdi, togoo jaddo keeraano daga aana iillishshinori aana qaafo adha hasiissannota qaagisino.
Qaru Borreessaanchi Aginesi Kalamerd lede, HWHT Cancishaano kalqomu seera sa`e manihimmate qoosso aana iilishanni noo gadaddisse iillishanni nooha siimu xaadooshshe rahotenni uurrisa noonsatanna deerru deerrunku noo hunasine aana qaafo adhinanni gede qaagiissino.
Aminesti Interinashinaale ripoortete aana Cancishaano gaamo teessaano gadasisse siimu xaadooshshe assitanninna horritanni hakiino sa`e saalsiisanno xononni xonatanni keeshshitinotanna konninni qansootu dagoomittete, miinjunna tiiu gawajjo iillitinonsata egensiisino.
Bakkalcho Bocaasa 2, 2014
