Napooliyooni farashshu aana ofolle dubbu giddoonni sa“anni hee`renna tashshi yeennasi faarsanni loosi`ranno mitto mancho la“i. Kuni manchi barrunnita sagalesi afi`rate lowo geeshsha daafurannoha ikkirono hagiirraamo ikkasi kayinni Napooliyooni maala`lissusi.
Suutunni ikke manchunniwa shiqqi yee “Hagiirrikki korkaati maati?” yiisi.
Manchuno:- “Fayyimma nooe! Looseemmohu fajjo`yanniti. Konni daafira hagiidhate korkaatu nooekkiha lawannohe? Yiisi.
Napooliyoonino:- “Barri fulokki mageeshshaat? Yee xa`misi. “Sase Firaankeeti” yee qolisi. “Maayyena ateranna maatekkira ikkanno?” ye xa`misi.
Manchuno:- “Galte`yaranna sase ooso`yara ikkeenna hakku aaninni tirife wodheemmo. Albi asale`yano baaxxeemmo! Yiisi.
Napooliyoonino:- “Hiitto tirfe wodhanna asalekki baaxxa dandiitto?” yiisi.
Manchuno:- “Tirife wodheemmo yoommohu ooso`ya rosu minira soqqeemmo; asale`ya baaxxeemmo yoommohu ilama ayidde`ya kaa`leemmo yaateeti!” yiisi.
Sokka:- Hagiirru dihalchote gumaati. Shorrine amandanni tirifeno dikkino. Hagiirre halche afirinohu hattono shorre amadinohu tenne kalqe aana dino. Yaate hasi`noonniti maati lawihe:- illachakki noohekki coy aana ikkikkinni nooherichi aana assi`ri. Hagiirraamo ikkate duuchunku coy hee`rahera dihasiisanno. Seekkite wodanchittoro xa nooherichi hagiirraamo ikkate ikkadoho. Korkaatuno ati noohere halchitanno mannooti batinyehona.
Aanakki Duhaminore Giggishidhe
Bakkalcho Birra 25, 2014 M.D
