Mitte yannara mittu batto losi`re galinohura harrichosi balete giddo ubbe ba`annosi. Harrichote ayiddino bale seeda ikkitinohura hiisse fushshannosero qarramanno. Harrichono woda hanaffu. Harrichote ayiddino geedhitinohura balete giddo madaarasera hedi.
Ollaasino gamba asse tenne bale bushshunni wonsha hanafi. Harrichono konne la`anno woyte madaartannise noota afidhe yaaddotenni wi`litu. Tenne la`inori olluu woshshinna basurre kunni ka`a balete giddonni fultannokkita hedatenni keerunni yite baxxituse.
Ikkolla ikkinnina balete giddo bushsha worranni kiiro harricho mitto coye assitanni noonka. Bushsha giggishidhanni balete giddonni fula hanaffanno. Balete giddo tunganni bushshi aana uurra hanaffu. Harinshotenni bushshu aana uurritu kiironni balete giddonni luphi yitanni jeefoteno balete giddonni wo`mu wo`ma fula dandiitino.
Malaa`lisanno garinni harricho madaartara wo`naaltino mannooti baaluku harricho balete giddonni ikkite fultino gara la“atenni maala`litu. Keerunni yite hadhino woshshinna basurrino harrichotenni maala`la hanaffu.
Sokka:- Ay woyteno harrichote gede duhamannonke qarra kaa`lote gede horonsi`nanni kaajjillunni umboommowichinni wirro ka`ane uurra hasiissannonke. Jawu qarrinni fula dandiineemmohu assineemmo wo`naalsha uurrisa hoogatenni callaati.
Xaaddannonke mitiimmuwa giggishshi`nanni iimillite mitto deerra luphi yaa sewonke giddaasinchoti ikkinnina uwanke malaatta dikkitino.
Bakkalcho Birra 25, 2014 M.D
