Abebech Maatewoos
Addis Ababa: Layinki xaphoomu ministirchinna gobbayidi hajo ministirchi kalaa Demmeqe Ferensaye, Jermene, Hangaari, Xaaliyaane, Neezerlaande, Porchugaale, Roomaaniya, Siwiidinenna Siloovaakiyu Ambaasaaderooti ledo hasaawino.
Hasaawinsarano kalaa Demmeqe aliyye Itophiyira noo yannate akata lainohunni Awuroppu mittimmara xawishshsha uyno.
Awuroppu mittimma miila gobbuwa Itophiyu dagaranna mootimmate assitanni keeshshitino mannihimmate kaa`lonni maala`linota xawisino.
Mite mite mittimmate miila gobbuwa uulla noo halaale ammanate fajjitinore ikkahooggurono Itophiyu yannate akatanna halaale lainohunni Awuroppu mittimma komishiinenna miila gobbuwara tittirshunni hasaawino.
Mootimma mannihimmate kaa`lora yite ola uurrisate sumiimme doorshu gede shiqishshurono; cancishaano HWHT gaamo kayinni sumiimme ayyirrissinokkita Awuroppu mittimmanna kalqoomitte dagano cancishaano gaamo abbooshsha dandiitinokkitanna Itophiyunnita uurrinsha irkisate fajjitinokkitano kaayse coyi`rino.
Affaaretenna Amaaru qoqqowubbara keeraano qansooti aana luphiima gawajjo
iillishanni, shaanninna huno iillishanna Awuroppu mittimma sammi yaa doodhasi Itophiya koffi assinotano kalaa Demmeqe xawisino.
Itophiyu Tigrayete assitanni keeshshitinota mannoomittete kaa`lo sufisate ragaanni murci’raanchimma nooseta xawise; qorqorshu keeluwara assinanni qorqorshi xaa yannara kaajjinokkitanna qoqqowoho mannoomittete kaa`lo iillishate assinanni horophilu hodhishsha suffanno gede assitinota lawishshu gede kaayse layinkihu xaphoomu ministirchi huwachishino.
Awuroppu mittimma kaa`lo hasiissannonsarira sonkanni mannoomittete kaa`lo gufisate jaddonni HWHT xa`mamaano assa hasiissannositano qummeessinota gobbayidi hajo minisitirenni afi`noommo mashalaqqe leellishshanno.
Bakkalcho Birra 18 / 2014
