Addis Ababa :– Gargarooshshu olanto harissinoti horophilu gano illacha assitinohu HWHT olu uduunne laashshannonna olu qodho gatamaadhanno mereershuwara calla ikkinotanna hasi`noonni guma abbitinota xawinsoonni.
Itophiyu yannate akati mashalaqqe buuxaancho qooli fushshino xawishshira; gargarooshshu olanto harissino horophilu gano lainohunni sodhino huwaanyo heedhurono tini gawajjo illacha assitinohu HWHT olu uduunne laashshannonna olu qodho gatamaarsanno mereershuwara callaati yiino.
Gargarooshshu olanto gumultanno kuri loossa cancishaanote uurrinsha jajjabba olu uduunnenna woloota seeri male olu uduunne wirri assite maxi`rate horonsidhannorenna olaho horonsidhannota gama base horote gobbaa assate illachishinoho yee egensiisino.
Meqele assinoonni Horophilu ganonni Mesfin Industiriyaale lendanna babbaxxitino juntu olanto olu uduunne duuntino basenna Diippo Horophilu ganonni qaafo adhinoonni.
Adhinoonni horophili gano qaafonni keeraanote aana gawajjo iillitinokkitanna olu uduunni duunamino basenna Juntu olahonna mashalaqqete horonsi’ranno battala ikkitinota buunxoonni.
Abebech Maatewos
Bakkalcho Birra 11, 2014 M.D Hamuse
