Addis Ababa:– Awurooppu mittimma sumiimme nookkiha diigamase gama gobbuwa uminsa horo agarsiisate assitanno xiiwora wole gobbuwa kaa`lamaano ikka hoogansa leellishshinote yee gobbayidi hajo minisiteere qaalu saysaanchu ambaasaadder Diina Mufti xawisi.
Ambaasaadder Diina Mufti baxxinohunni Itophiyu pireesete uurrinshara xawisino garinni; Awurooppu mittimma Itophiyu hajo aana agawo tugate gamba yite sumiimme nookkiha jeefasira qaru korkaati gama gobbuwa uminsa horo agarsiisate assitanno xiiwora gobbuwa kaa`laano ikkite xiiwa hasi`ra hoogansa leellishshinote.
Mite mite Awurooppu mittimma miila gobbuwanna wolootu Itophiyu aana harissanno uurrinsha halaalu aana safaminoha ikka hoogasinni daafuroholla. Sumuu yaa hoogansano mite mite gobbuwa buuxxinokki coy giddora xiiwotenni e`e Itophiyu aana busha xiiwo kalaqate wo`naala gara ikkitinokkita leellishannote. Tini harinshono Afriku gobbuwa aanano iillishshanno xiiwo luphi yitinote yiino.
Hajote kaajjille huwatatenni qorophotenni la“a hasiissanno yiinohu ambaasaadderichu; Awurooppu mittimma miila gobbuwano hajo qorophotenni la“ansa danchaho yiino. Baxxinohunnino hajo irkisa hoogate gumultino gobbuwa uurrinsha irkinsannita ikkase coyi`rino.
Gobbuwa wole gobbuwa aana hasiissannokki xiiwo kalaqate wo`naala gara ikkinokkihura; sumuu assara didandaanno. Albillichono togoo xiiwo wo`naala hoogguro woyyinoho. Sumuu yaa hoogansano assootensa xawisanno yiinohu ambaasaadderichu; Itophiyu aana assinannita gara ikkitinokki xiiwo efidhe gibbannonna) ashshiishshanno baca korkaatunni wo’mitino huuro hee`ransano huwachishshino.
Abebech Maatewoos
Bakkalcho Birra 11, 2014 M.D Hamuse
