Fooqu Itophiyu dagara diru kiiro garinni addi aganaati. Konne addiha ikkino agana baxxino garinni ayirrisa hananfinkunni sase diro kiirsiinsoonni. Tayxeno shoolki yannara addi addi massagote hedonna baxxino assootubbanni ayirrinsanni hee’noonni.
Gobboomu soorro kawa noo sasenti fooqa hiitte massago qaalinninna assootinni gumulante sa’u?
Itophiyu preesete uurrinsha kuri sasunku dirita fooqa badhera higge qaaggino;-
Fooqa 2010M.D
Konni dirira fooqa 5nka barra mootimmate deerrinnino babbaxxino suminni dancha fajjo assootinni ayirrisante sa’ino.
Massagote sokkasino “Baxillunni Ledammo
– Maarotenni Sa’no!” yaannohonka.
Dirunniha Fooqu agani barruwa su’minoonni tiro;-
-Fooqa 1 – Keeru barra
-Fooqa 2 – Baxillu barra
-Fooqa 3 – Maarote barra
-Fooqa 4 – Ledamate barra
-Fooqa 5 – Mittimmate barra
Yaannohunni gobboomu deerrinni iibbino garinninna keerunnino ayirrisame saino.
Tayixeno fooqa 2013M.D 5nka barra babbaxxitino hedonni ayirrinsanni hee’noonni. Konni garinni;
– Fooqa 1- Itophiyimmate barra
– Fooqa 2- Owaataanchimmate barra
– Fooqa 3- Danchummate barra
– Fooqa 4- Bareendete barra
– Fooqa 5- Qeellenke Adda assineemmo barra
Yitanno gobboomu hedonni iibbadu garinni ayirrinsanni hee’noonni.
Fooqa 1/2013M.D
Itophiyimma:- ayirradonna dhaggete ayimma!!
Itiphiyimmate mitticho tiro calla aate wo’naala mitto widoonni shaqqadimmate; wolu garinnino afa hoongete. Itophiyimma sirnyaho.
Diru day garinni baala tiro uyinanni iillinoonni deerra; ikkinoonnire, afi’noonnire, hoongoonnire, kaayyonna atooteno huwantanni tiro uyinanni ha’nannihu baca tiro mitteenni amadinoho.
Kuni duucha tiro mitteenni amadinonna kullenna xawine gundannikki ayimmanni gatamaraminonna gurdaminohuno biinfillenkeeti. Konni kalqamunni karsiinse afi’noonni ayimma giddono mittichohono, loworeetino, dagoomahono. Gobbanna dagateno; togoonnino sannanna dirra baala sa’noommoreeto.
Tenne wolaphinummo yitanno kalqenna ilamara leeltinokki tiro afi’rino halaali kayinni jajjabba kinna boncenna kurkurre magansi’nanni minna, loosa dandiinoonni. Konninnino wo’naalliro dandiinannikkiri dino yitanno noonsari albi annuwanke oosooti ninke. Aksuminna Laalibela labbinore jajjabba kinna boncenna kurkurre suudine seesiinse uurrisatenni techoo geeshshano ikko albirano Donna assine wora dandiinoommoreeti. Konninnino techoo ayimmanke roorenkanni maafuda assinoommoreeti; uminkerano ikkiro konneeto yine shotu garinni tiro uyinannire di-ikkinoommo.
Fooqa 2/2013M.D
“Owaataanchimmate barraati” owaata ayirrinyeho!!
Meessi daganna gobba owaata kayinni bayi’ra ayirrinyeeti.
2014M.D heeshshi yine loosatenna ammanantino owaataano ikkate duuchunku sheemaate e’neemmo barraati.
Fooqa 3/2013M.D
Danchummate barraati;
“Danchumma mittu barrira calla ikkikkinni diro wo`ma assinammora hasiisanno dancha assooteeti”
Addis Ababu quchumi gashshooti layinki kantiiwa dukko Adaanech Abeebeti Gullelle sinu quchumira anga ajjinorira hurbaate beekku yannara xawissino garinni; danchumma mittu barrira calla ikkikkinni diro wo`ma assinammora hasiisanno dancha assoote ikkinota xawissino.
Gullelle sinu quchumira 300 minna gatamaratenni Fooqa 3/2013M.Dnni minu ayiddira uynoonniha ikkanna 22 kume ale ikkanno mannira hurbaateno beenkoonni.
Qeelle borreessiinsanni sufate danchumma meessiranna gobbate ikkinota huwatatenni loosa hasiissanno yitinoti kantiiwitte hiikkuno aleenni danchumma meessiraati yitino.
Fooqa 4/2013M.D
Worbimmate barraati
Fooqa5/2013M.D
Qeelle ninkera haaro ikkitinokkita kulleemmo barra ikkeeti
Kiddist Gezzaheny
Bakkalcho Fooqa 4/2013 M.D Hamuse
