Addis Ababa: HWHT politikunni ubbino uurrinshaati. Tini uurrinsha Tekkeze hadhe, politikansa taashshidhe dagge wirro politiku biilloonye amaddanno yinummoro ninke aana qarru no yaatenni Ajuuja Beeqqate Dagoomitte Millimillo Uurrinsha Xintaanchinna Murrichi Kalaa Liilay H/Maariyaamihu xawisi.
Itophiyu Pireesete Uurrinsha ledo hasaawa assinohu Kalaa Liilay, HWHT mitte politiku uurrinsha gede politikunni ubbino uurrinshaati yee, tini uurrinsha hiittee keenonnino wirro biillonyeho dagge Federaalete biilloonye amada agurreenna Tigirayete nafa biilloonye amadde keeshsha didandiitanno yiino.
Insano konne affino daafiraati ola fantinohu; gobba keere ikkituro insa keerunni heedhe diaffannono yee; xaano mereeronsa leeltanno babbadamme no. HWHT politiku raga TDF olantote raga amaddino. HWHT qolte dagate giddono adhamooshshe hooggino. Tini TDF wolqano HWHT HWHT “ki’ne politikunni ubbinoonni uurrinshaatina ho’le” yitinosa. Xa hakko deerra iillite no yiino.
HWHT wirro biilloonyeho daggara assitanni noo sharro ikkitannonsa yite hedatto? yitanno xa’mo shiqqinosihu Kalaa Liilaye, “HWHT wirro biilloonye daa yaa, mitteekke hatti kalqete gumulooti yaate” yiino.
Ledoteno “TDF gaamo kaiminsannino la’neemmo woyte ola hasidhanno gaamo di-ikkitino; konni daafira tini gaamo keeru widira daggara dandiitannono yitanno hedo nooe” yiino.
Jeefoteno Tigirayete Yannate Geeshshi Gashshooti loososi garunni loosoommero HWHT konne deerra di-iillitanno yiinohu Kalaa Liilaye, Tigirayete Yannate Geeshshi Gashshooti loososi garunni loosa hoogasi HWHT wirro dawadhitanno assino yaatenni hedosi gumulino.
Addisu Adoola
Bakkalcho Fooqa 4/2013 M.D Hamuse
