Addis Ababa:- Itophiyu amma’note uurrinshuwa songo 2014M.D haaro diru soorro ayyaana lainohunni wo’munku Itophiyu qansootira hawalle iillishi’ne yitanno sokka sayissino.
Songo sayissinoti hawalle iillishi’ne yitannoti sokka aantannota labbanno:- Itophiyu amma’note uurrinshuwa songo wo’munku Itophiyu daga hawalle akkalu dirinni haaru dirira iillishi’ne yitanni; 2014M.D haaru diri gobbankera duuchu handaarinni keerenna mittimma la’neemmoha; sewoonniha ikkanno gede songo wodaninni halchitannota xawissanno.
Haaro diro 2014M.D hananfeemmo woyte songonniti aliidi agaraano annuwi Fooqu agana huuccattotenna (qatumatenni) sayinsanni gede lallawatenninna dancha halcho xawisatenni gobbankera kalaqantanno gaance, sumiimmete hoonge, iillinshanni barshenna gawajjo gattanno gedenna qarrubba hegerera tiranteenna Itophiyu daga baalanti keerunna mimmitu ledo ayirrisantenna baxante hee’rate haa’ro diro adhate baalunku agarranninsa qeecha fultara agarranni.
Konnirano gobbate giddono ikko gobbaanni heedhannori Itophiyu qansooti baalunku dirunni, koo/teenni, dagoomittenna labbanno akatta badooshshe kalanqiikkinni gobbansa keerinna mittimma; dagansa keeri hattono gobbate gede tuncu yitinonke jifo sa’’atenna aanannohu haaru diri baalinkera woyyaawinohanna injiinoha ikkara baalinke amma’nonke rosiissannonke garinna amanyooti hajajanno garinni annuwinke ledo ikkatenni Kaaliiqi widira huuccattonke iilinshammora songo woshshatto assitanno.
Konninnino saeenna amma’no keereho, maarote, araaru, mimmito kaa’lamate lawishsha ikkitinohura manchi beetti baattote aana hee’ranno yannara danchumma loossanno gede rosiisatenni dagoomitte mittimmanna manchi beetti danchummatenni xaadannokki gede assinanniha xagarrote assootenna ku’u ko’oye xiiwate laooshshenna assoote effidhe gibbanno gede songo duudhe huwachisha baxxanno.
Ledoteno baalunku ammanaano haaro diro adhitanno woyte babbaxxitino korkaattanni iibbino mininsanna qaensanni darantinore; olunna kalaqamu danonnino gawajjantinore qaaganna mannimmate kaa’lono assatenni ikka hasiissanno; kunino amma’no baxxannoha qullaawanna danchummate assoote ikkinota qaagiissate banxeemmo.
Kaaliiqi Itophiya Maassi’ro!
Bakkalcho Fooqa 4/2013 M.D Hamuse
