Addis Ababa:- Itophiyu daga Itiyo telekoomete qeecha saamunni hidhitanno gede Xaphoomu ministirchi Abiy Ahimed (D/r) woshshatto shiqishino.
Itiyo telekoomete 10% qeechi Itophiyu dagara shiqino.
Faajjitte akisiyoonete hiro faajje assanni xaphoomu ministirchi coyi’rino garinni; Itiyo telekoome tirfiraancho ikkasenni istooki markeete rosiisate xibbuunni 10% hirote shiqqino.
Istook markeeti roorenkanni horote aana hosa noosehura Itophiyu daga kaayyo horoonsira hasiissannota xawisino.
Dijitaale Itophiyu daga loossanni leeltino gumaamimma tenne akisiyoonete hirora iillishshinonke aanteteno hoteelete handaarinni qeechu hiro heedhanno yee egensiisino.
Gafa mitte akisiyoonete hiro bero teele birri widoonni hananfoonni.
Mitte akisiyoone 300 birra ikkitanna shiimiidi akisiyoonete bikki 33 ikkasinni shiimiidi akisiyoone hidho 9900 birre ikkasi faajje assinoonni.
Itiyo telekoome gutu kaampaanimma widira soorramase uurrinshate sooreette Firehiwoot Taammiru egensiissino.
Itiyo telekoome xaphooma 100 biliyoone birre sheere nooseta xawisse konni giddonni Sadaasa 25/2017 M.D geeshsha 10% Itophiyu dagara hirranni yitino.
Abbebech Maatewoos
Bakkalcho Birra 7, 2017 M.D
