Addis Ababa:- Sidaamu qoqqowira goyirete yannanni 106 kume hekitaare ali baatto qara qara gidubbanni wixunni diwantinota qoqqowu gibirinni biiro egensiissino.
Biirote layinkinna irshu handaari sooreessi kalaa Bangu Beqqele xawisino garinni; qoqqowoho amandoonni dirinni xaphooma 142 kume hekitaare ali baatto wixunni diwate loonsanni hee`noonni.
Xaa yannara baalunku gidi daninni irshu danchu uurrinshi aana afamannota xawisinohu sooreessu; xaphooma goyrete yannanni latinsoonnihunni 12.5 miliyoone kuntaala ali laalcho afi`nanni yine agarrannita egensiisino.
Xaa yannara yuuriyu horonshi, gidu dhibbinna da`muullate qorqorshi loosi aana qoqqowunni kayse olluu geeshsha noo massagaano baatto loosidhe galtino daga gati giddo afamatenni luphiima irkonna harunsote looso kaajjishshe suffinotano coyi`rino.
Abbebech Maatewoos
Bakkalcho Wocawaaro 16, 2017 M.D Hamuse
