Addis Ababa:- Irreechu ayyaana ayirrisatenni sa’ne dikkote aanamme/xaadooshshi/ kalaqamannoha assate looso loonsanni hee’noonnita Oromiyu Budunna Turizimete biiro egensiissu.
Biiro bero barra tuqu xaadooshshira uyitino xwishshi garinni akatisinni baxxinohu “Irreechu Ekisipo 2017’’ yaamantannota dirunnita jawa amaalammete gambooshshe Wocawaaro 18 kayise 24/2017 MD geeshsha Addis Ababu daa’’attote mereershshira harinsannita xawissino.
Oromiyu budunna turizimete biiro layinki soreessi kalaa Deraara Tuulema hatte yannara uyino xawishshi garinni; Irreechu hawadi wogga sa’eenna haaru diri hanafanno wote jawu ayirrinyinni ayirrinsanni ayyaanaati.
Biiro Oromote budenna dhagge du’misse leellishate babbaxxitino bissa ledo loossanni noota xawise; Oromote daga ayimma ikkinoha Irreechu ayyaana ayirrisatennino sa’ne dikko aanama kalaqantannonna ikonoomete horo luphi yitanno gede loonsanni he’noonni yiino.
Konninni biiro Wocawaaro 18-24/2017 MD geeshsha keeshshitanno “Irreechu ekisipo 2017 yaamantanno reqecco “Hagere invest and piromoshiine”ledo halamatenni qixxeessansa xawissino.
Kalaa Deraara, “Irreechu ekisipo 2017” addi addi dagoomu bissa beeqqitannoha ikkanna Itophiyunna ilama ITophiyu qansooti beeqqaano ikkitanno baxxinonna addiha ikkinotanna aantanno dirrara kayinni uurrinshunni qixxaawannoha diru ikkito ikkannota kulino.
Tayixe Irreechu ayyaana 10 miliyoone manni ali beeqqanno yine agarrannitano buuxisino.
Hagere investnna piromooshiine sooreette Hawoni Isheetu ise widoonni;Ekisipo Irreechu ayyaana ayirrisate qote qoteho miinju aana luphiima qeehc afidhinote yitino.
Ekisipo 200 kumi ali dagoomu bissa beeqqitannoha ikkanna; 250 1li daddalu uurrinshuwa laalchonsanna owaantensa shiqishshanno yine agarranni.
Demmellaash Demmeqe
Bakkalcho Wocawaaro 9, 2017 M.D
