Itophiyu doorshu boorde muli barrubba giddo woyyeessinoonni doorshu lallawi kiiro 1332/2016 quwa 2 (1) garinni HWHTra borrote taje woraqata aase xawissino. Mootimma bayiriidi seeri uurrinshuwa seerunninna uurrinshimmate wolaphonni murranni muro adhitanno. Maala`litanno. Soorrote mitto gumaatina.
HWHT seeritte bisosi hooginohu Itophiyu biheeraawe doorshu boorde poletiku paartuwa borronna amanyootu lallawi garinni sayissino muronni ikkinoti qaangannite. Boorde paarte wolqatenna kakkachimmate millimillonni beeqqasenni paartete borreessamme hunnanni gede muramasenni, HWHT seeritte bisosi hooginota qaangannite. Tini doorshu boorde muro IFDR dagate riqiwamaano amaale mini HWHT cancishaancho yee xooqisasira albaanni sayinsoonninna umosi dandee uurranno, umisi seeru kaimi noosi murooti.
Piriitooryu sumimme gumulli yannara federaalete mootimma sumimmete harinshora e`inohu HWHTihu cancishaanchimmate yoo ka`anno gede harinsho lifixisate yawooti (sumimmete quwa 7 (2) (C). Federaalete mootimma HWHTiha seeru bisonna borreessammete hajo lainohunni piriitooriyu sumimme giddo adhitinoti baxxitino yawo woy gadacho dinonkanni. Hattono HWHT piriitooriyu sumimmenni quwa 7 (1) (A) garinni gobbate bayiriidi seera, seerubba, federaalete uurrinshuwanna wolootta bayiriidi seeri uurrinshuwa biilloonye ayirrisate gadacho e`ino. Konni daafira HWHT gobbate poletiku paartuwa borreessote seerinna doorshu boorde biilloonye ayirrisatenni loosate gadacho noosita xawoho.
Ikkinohurano, piriitooriyu sumimme kaiminni la`nanni woyteno HWHTihu seeru bisi hajo halaalaanchimma noo seerinna biheeraawe doorshu boorde loosu hayyo garinni calla tidhama noose hajooti. Federaalete mootimma konni ragaanni biheeraawe boordenna HWHT massagaano ledo baasa higge amaale assatenni, HWHT poletiku paarte gede seeru afamishshi hee`rannosi gede akatubba injeessate wo`naalsha assitanni keeshshitino.
Konni ragaanni biheeraawe doorshu boorde uurrinsha, HWHT hiittino haaro poletiku paarte safantanno amanyootinninna garunni poletiku paarte gede tantanamatenni borreessamanna afamishsha afi`ra dandaanno, konni gobbaanni kayinni seeru biso afira dandaannoti loosu hayyo dino yitannotenkanni. HWHT widoonni noo uurrinsha albihonna seeda diro keeshshino poletiku uurrinsha ikkoommohura haaro paarte gede borreessama dihasiissanno, hajo seerunnita calla ikkitukkinni poletikunnita ikkitinohura baxxitino poletiku muro hasidhanno yitannote.
Tenne babbaxxitino uurrinshubbanna hasattubba hedote giddo eessatenni, keere kaajjishate hasiishsha, hattono dimokiraasete uurrinshuwa wolaphonna mereersaanchimma leellishanno garinni hajo tidhate woyyitino doogo, HWHTino ikko wolootta qodhote millimillo aana noo gaamubba seeru widira daa dandiitanno doogo injeessitannota seeru woyyeesso assa ikkinota federaalete mootimma widoonni ammanne hasiishshu seeru woyyeesso dagate riqiwamaanora shiqqe kaajjitino.
Konni garinni Itophiyu doorshu, poletiku paartuwa borreessammenna doorshu amanyooti lallawi woyyaawihu gedensaanni, woyyeessinoonni lallawu muro garinni HWHT seeru biso afi`ranno gede assate hasiisannoha woy balaxote akata ikkinoha keeru sumimme gumula lainohunni farcote ministere doorshu boordera sokka borreessitino.
Konninnino HWHThu seeru bisi hajo tidhantanno gede mootimmate ragaanni assa dandiinannire baala assinoonni. Federaalete mootimma bocu xeertinyi aleenni hadhe, Piriitooriyu sumimme garinni agarranninna noose gadachonnino sa`e doorshu boordenna HWHT ledo hajote aana aantaano hasaawubba assitino.
Assinoonni seeru woyyeesso garinni doorshu boorde HWHT borreessatenni uurrinsha seeru bisinna afamishshu hee`rannosi gede boordete halammete xa`mo shiqishshino. Konne harunseno HWHT seeru bisonna afamishsha afi`rate agarrannita paartete maarekko yaano paartete pirogiraamenna seeru wodho, hattono wolootta amadisiisantino maareekkubba biheeraawe doorshu boordera shiqishatenni woyyeessinoonni lallawi garinni borreessame seeru biso afi`rino.
Ikkinohurano borreessametenna seeru bisi hajo konninni gumulatenni; baalunku hajo la`anno bissa halamme, keere kaajjisha, wirro gatamaratenna latisate ajandi aana ikka hasiisanno. Hasiissannokkitanna dagate horo uyitannokkita, tiro noosekki hedo hunne daga horaameeyye assitanno keerunna latishshu ajandubba aana illachisha hasiisanno.
Woxawaajje 7/2016 M.D
Addis Ababa
Mootimmate komunikeeshiine owaante
Bakkalcho Woxawaajje 9, 2016 M.D
