Ninke gobbara “Shiferraw” yinanni woshshinanniti tini muro godowu xisso lede alerjikete, wodanahonna amadisiisantino qarrubbara, sukkaarete xissora, bisoho, umoho, malaa woy infekishiinenna darshe gargadhate kaa`litannota kullanni. Xagisote ogeeyyeno konni aleennino horosi lainohunni aanino garinni xawissanno:-
1.Asime xagisate Mooriingu asimete korkaatinni kalaqantanno gawajjitanno hedeweelchubba ajishanna kokkete qooxeessi ruukkimma qarra hoo`late dandiisanno. Konni ledo amadisiisameno biddi yiinonna keeraa`mino foo`late amanyooti hee`ranno gede assatenni keeraanchimma agadhate kaa`lanno.
2.Bisu aani darshenna du`namaanote kuuro hunanno xisso iillishshannotanna bisu aana kalaqantanno darshe gargadhano tenne muro horooti. Du`namaano mitte bisu kifile aana kuusamansa harunsite kalaqantannota tenne darshe xagisate tenne muro sagalete ledo horonsi`ra dandiinanni.
3 Bisunna umu keeraanchimmara Giddosi amadino pirootiinubbanna wolootta shiilubba kaiminni mooriingu umunna bisu keeraanchimma agarate lowontanni kaa`lanno. Konninni saeno dananchu tatta“anna bisu moolle gargartannonna kalaqamu (wez) agartanno shiilubba amadasinni umu tatta“anna bisu hiinxi`ranna moolle labbino qarrubba gargadhate dhuki noosita ogeeyye coyi`dhanno.
Bisu aana kalaqantanno qarrubbano ikko umu keeraanchimma agarate tenne muro horonsi`ra dandiinanni.
4.Afale xagisate Agattotennino ikko wolootta hedeweelchubbanni afalete aana kalaqamannoha fayyimmate qarra xagisano tenne muronni afi`nanni horooti. Labbino hedeweelchubbanni afale luphiima gawajjo iillitannosekki gede assatenni rakke hurtanno gede kaa`lanno.
5.Kaansere gargadhate Tini muro giddose kaansere gargadhateno ikko kaansere hala`litannokki gede assitanno shiilubba amaddinota ikkase kullanni.
Niyazimisin yaamantino shiilono kaanserete lopho gufisanna kaansere sharrama dandiitannoha ikkanna mooriingu woy shiferrawu muro giddo afantanno.
6.Godowu xisso xagisate Godowu fuugo lede injo hoogatenna saltote xissote macciishshamme xagisa hattono sagale daahama hoogate qarra biddi assano wole horooti. Giddosi amadino bakiteriya huntanno shiilubba godowu giddota xisso gargartanna vaytaamiin B qole sagalete amanyoote biddi assanno.
7 Bakiteeriyu qalanno xissuwa garga`ranno Tenne muro shaete ledono ikko wolootta sagalla ledo horonsirano bakiteeriyu qalanno xissuwa xagisatenna gargadhate kaa`lannonke.
8.Miqichu kaajjillira Mooriingu giddosi kalshiyemenna fosfores amadasinni miqichu keeraanchimmaranna kaajjillira lowontanni kaa`lanno. Miqichu mare xaadannowano ikko lekkatenna angate aani darshubbanna labbino xissuwa gargadhano dandiisanno.
9 . M a c c i i s h s h a m m e t e burduuqamme biddi assate muro giddose manchi beettira hasiissanno haammata shiilubba amaddinote. Babbaxxitino hedeweelchubbanni kalaqantannonna macciishshammete burduuqammera korkaata ikkitanno yaaddo, cee`ma, luphi yino daafuro xagisatenna hunate kaa`litanno.
10 Wodanu keeraanchimma agarate xagisote ogeeyye wodanunna amadisiisantino fayyimmate mitiimmubba xagisanna reqecco ajisha tenne muronni afi`nanni horo ikkase xawissanno. Konni kaiminnino wodanu keeraanchimma agarate qara ikkinotaati xawissannohu.
11 Mada xagisate bisu aana babbaxxitino hedeweelchubbanni kalaqantanno madubba xagisanna bassa kalaqantannokki gede assano tenne muro horooti. Mundeete giddo afantanno gulukoosete bikka ajisha dandiitanno; shumate giddo afantanno sukkaaretenna pirootiinete bikka ajishano dandiissanno. Tini biddi yitino okisijinete doyicho heedhanno gede assatenni sukkaarete xissora reqeccishama hooltanno.
12.Mundeete xiiwo ajishate Mooriingu ayzotiyosiyanetinna niyaziminiin yaamantino shiilubba giddosi batinyunni amadino. Kuri shiilubba qole hedeweelcho kalaqantanno mundeete xiiwo lexxo uurrisatenna gargadhate kaa`litannoreeti.
Aye woyteno ikkiro yinoonni bikkinni horonsi`rano habbinoonte.
Abbebech Maatewoos
Bakkalcho Dotteessa 3, 2016 M.D
