Qarrakki afitto mannira baalaho hasaaphate rosichinna goorre heedhuhero hattenne goorre yannate geeshsha kassi assate gibbaanni konni akatinni may horono afirattokkitanna isonni gawajjahera dandaannota qaagi.
Qarrikki tidhatto furcho leellishannohekki manchira hasaaphate goorre kayinni gooffannokkihura wirro qarrakki hasaaphate handaara hasate doyakkinna daafurakki digattanno.
Qarrakki afirittowa baala hasaaphakki wole lowo qarra abbanno; isino macciishshannohe manni umisi laooshshi noosiha ikkasinni ate mishaheranna xaadinohe qarra shotise la“ara dandaanno, kunino wole qarra qalannohe ikkinnina mitte horono dinosi. Mito mito woyte qole hemaanote aana masse tugannohe.
Mannaho qarrakki hasaaphato woyte hakkuri mannooti qarrakki macciishshituhu gedensaanni hakkonne qarra shotisatenna malu hedo shiqishate dhuki woy qarrakki macciishshituhu gedensaanni qarrakki shotisate nafa dhuku hooginsarono ate duhakkinna fojokki ledo duqqate dhuki heeransara hasiisanno.
Konne lamenka coye horonsira hoogate doorsha harunsittoro marittowa baala qarrakki hasaaphate rosichinni dannoheha wole qarra adhate qixxaawinoha ikka gadachoho.
Bakkalcho Badheessa 26, 2016 M.D
