Yanna cocco`linanni horonsi`nanni coyibba woy jirubba giddo gaamantanno. Gumaame heeshsho heeratenna woyyitino heeshsho massagate kaaliiqi uynonketa muxxe yanna garunni horonsira hasiissannonke.
Mittu coy ikkadu garinni heerankera hasiisiro woy hakkonni coyiha eote bue ledate woy fulote bikka ajishate. Yannate daafira kayinseemmo woyte hiikkonne looso loonsummorono barru giddo noonketa 24 saate leda dandiineemmokkihura noonke doorshi noonke yanna ikkadu garinni bebbeenke horonsirate.
Yanna cocco`late. . .
Qara heeshshonke illachi kaiminni mixotenni heera
Soodo ka`ne heeshsho angara uytinonkeha baala dukkinsanni heeratenni yanna garunni horonsi`ra didandiineemmo. Agannatenna lamallate giddo gumula hasi`neemmore qara coyibba mixiratenni barrubbanke insanni massaga hasiissanno.
Hasiisanno coyra balaxo aa
Barru baala lame coyibba doorshaho shiqqannonke, hasi`neemmo coyibbanna hasiissannonke coyibba. Barru baala hasi`neemmo coyibba badhera qolle umihunni hasiissannonke coyibbara balaxo aa busullete, hayyote. Barrinke giddo mixi`neemmo woyte hasiissannonke coyibbara balaxo uyno.
Yannanke huntanno coyibba giggishsha
Yanna hu`nanno manni ledo sayisa, tuqu xaadi araddonna labbino akatubba yannanke ittanno coyibba ikkitinohura busulletenninna hayyotenni amada hasiissanno.
Aleenni xawinsoonni hedubba rosiisiratenni yanna`ne cocco`litiniro kuni rosichi noonsakki mannootinni roore coy gumula hanaffinanni.
Abbebech Maatewoos
Bakkalcho Badheessa 26, 2016 M.D
