Danchilenna ani anje hee`ne reejjunna haxaawotenni hara qasi`ne, qachu qaaqquulle “Oosonkeeti’ yinanni, surupha saada assi`ne tenne illenni godo`linanni honseemmo. Danchileno hala`lado hoofe badiro assidhe, banu giddonni duunna abbite cancante bushsha waasa`yaati yite qishidhanna ani loosu hallo tayiinsoe yee darote aana dolli assoommowa wonankunni qishidhu bushsha “Hanni hoga adhi sagale dagginona!” yitannoe.
Godo`lineemmokki dani godo`le dino.
Tiikki tiikkiyyo, maaxansho, kubbiyyaato, bayransho, qoccaa… woleno kuri labbanno godo`le godo`linanni fiiqqi yinannihonseemmo. Kunni garinni heedheenna hashshu daannota effi`ne gimbeemmo. Gimbollana kayinni yanna agadhe hashsha diaguranno. Baxxineemmo yannara mimmitonke “Keerunni hari!” yaamamme ka`ne wirro soodaakkiha lawannanke shiimare xeerti`nummoro badhera doyne la`nanni anga wala wala assineemmo
BakkalchoMaaja 29 / 2013
