Ali ali arrishsho yinanniti wole oosote godo`le su`maati. Ooso tenne godo`le godo`litannohu saada allaalte ikko wolewa gamba yitinowaati. Godo`litannohuno meyaa labbaaha ikkiteeti. Tenne godo`le godo`linannihuno gomichunni qiididhanno yannaraati. Godo`le umunnino ikko gaamote godo`la dandiinanni. Godo`leno togo yitanni hanaffanno.
Umo: Alia li arrishsho
Ale magaali arrishsho,
Aantete: Magaala tooru arrishsho,
Be`ro iibbootta arrishsho,
Aantete: Techo qiidootta arrishsho, balekkira banda`lu buu buu yaanni noona,
Aantete: Hooleemmo hooleemmo yummoro, ga`meemmo ga`meemmo yiinona,
Aantete: Hoola hoogoommona, dagge hoo`li,
Aantete: Calallaqqe caffa wo`mi,
Jeefote: Gobbakkira bu`la wodhi, gobbankera bushsha wo`mi. carete gongo`mi.
Xaphoomuni ooso hasidhino sokka togoonni yitanni sayissanno.
BakkalchoMaaja 29 / 2013
