Abebech Maatewoos
Ooso anje yannara baalurinni roorsite godo`le baxxanno. Konni daafira ooso godo`le hanafffuro sagale nafa diqaagganno. Konninni kainohunni ooso anje godo`la surrensa halashshate, bisinsa kaajjille ledo hala`lado xaaadooshshe assate lowo kaa`lo uytannonsa. Konni daafira ooso umunnino ikko gaamotenni addi addi godo`le godo`litanno. Tenne godo`leno albi waro roore yanna saada allaaltannowanna gamba yitannowa qaalunni godo`litanno. Konni garinni alba ooso qaaqqimmate yannara ikkitotenni godo`litino godo`le la`no.
Kice
Kicee yaanno qaali oosote godo`le su`maati. Ooso anje tenne godo`le godo`litannohuno meyaa labbahu ikkiteeti. Duucha woyte godo`litannohuno saada allalte gamba yitinnowaati. Hattono addi addi ollira gamba yitinowano godo`litanno. Godo`litannohuno bado badotenni ikkite alba mimmitunniwa higeeti. Hakkunni gedensaanni lamente anganni ku`u
ku`unni woy ti`i te`enne kice amaddanno. Godo`lete amanyootino mittu woy mitte xa`maanchonna wolu kayinni dawaraancho ikkeeti woy ikkiteeti.
Xa`maanchu woy xa`maancho umo: Kicee
Dawaaraanchu woy dawaaraancho: Yee
Xa`maanchu woy xamaancho: Amakki hiikka hadhu?
Dawaaraanchu woy xamaancho: Dikko
Xa`maanchu woy xamaancho: Ma hirtahera?
Dawaaraanchu woy xamaancho: Buuronna burbuxxo
Xa`maanchu woy xamaancho: Abbituhero aattae woy aattoe?
Dawaaraanchu woy xamaancho: Dieemmahe woy dieemmohe.
Jeefote: xa`maanchu woy xamaancho: Aattae woy aattoero kawa amo aattoekkiro woy aattaekkiro hakka mari yee woy yite xamaancho wona kice amade woy amadde noowiinni badhera qole woy qolte tuge woy tugge aguranno woy agurtanno.
Bakkalcho Maaja 29 / 2013
