Ganshu vayresete widoonni daanno foolinanni bisi dhibbaati. Ganshu amadannoti foo’linanni bisu kifillaati. Insano:-sanote, kokketenna gagasu aanaati. Ganshu kalaqamanno gede assitannori 200 xibbi ali vayrese no.
Dironsa 6 agani woro noo qaaqquulli ganshu dhibbinni amadamate reqecci yitanno. Ikkirono, jajjabbu mannino amadamate lowo kaayyo noonsa.
Haammatu manni lamalatenni kayise tonnu barri geeshsha ganshunni hurara dandaanno. Sigaara woy araddo wiliishshitannnori hattono foo’linanni bisi qarri noonsa mannooti malaatisi lowo yannara keeshshara dandaanno.
Leellishanno malaatta
Ganshu malaati vayresete reqecci yitu barrinni kaasye 1-3 geeshsha leellanno. Leeltanno malaatta mannu mannunni babbaxxitinote.
Afuunni way fula; Kokkete aana xissa ;Buusano; Sano fuga; Bisu aana xisso macciishama; Hanxishiisha; Xaphoomunni bisu aana xisso maciishamate.
Kaimisi Ganshu dhibi babbaxitino vaayresete
daninni daannoha ikkanna roorenkanni rihino yinanni vayresenni kalaqamanno. Vayrese bisinke giddoora afuu, sanotenna illete widoonni dhiwamino manniwiinni keeraanchu mannira hanxishshote, buusanote, hattono hasaanbanni yannara sanno.
Reqecci assannori
Dironsa 6 woro noo qaaqquulli shotu garinni reqecci yaanno; Dhibba gargadhate dhuka hooga; Sigaara wiliishshanna araddo xuuxa; qooxeessinkera ganshunni amadamino manni hee`ra
Gargadhinanni gari:-
Anga haayishshi’ra; Sagale loonsanni uduunnichonna shumate mine seekkine haayishshanna feyaa; afoonna sano hanxishotenna buusanote yannara dipha; dhibba gargadhate dhuka kaajjishi`rate.
Xaginsi`nanni doogo Woyyeessanno xagicho horoonsi`ra; busanote xagicho adha; waanna wolereno seekkine aga; Lukkote shorba aga; Fooliisho assira; minenke wiliishsha Maxinenna waa mittowa bulbulle kokke haayshshirate.
Keeru batiro`ne!!
BakkalchoMaaja 29 / 2013
