Ninke Mittoho;mittoo’mankeno Qarru barra Luphi Yite leeltanno! Tenne kalqe naqqassino hajooti.
Kissinoonte”e yitanno Itophiyu daga;giwe kisinosehura Diishsho koshunni fanne facci assinoonnireeti. Ee keeru yannara manchi eettootina mimmituu ledo muffi yaa di gattannona muffi yinannilla. Ikkollana Itophiyu daga lamere sayisse di uyitanno. Galtenna gobba!!
Minaama oosote amaati. Minu isenni uurranno. Ama dikkote keeshshitino barra naafa minu tunsanno. Mitte ama hoogiro heeshsho tunsitannoha ikkiro gobba hoogguro hiikkinanniya? Konniraati amanna gobba kisantoro Itophiyu daga mittoo’mite diina shorrate gaaddaohu.
Tini yanna gobboomu mittimma abbitinote. Aliyye Wodiidi Soojjaati Galchimi mittoo’minota buuxissanno ikkito xawoho reqecci yitinote. Gobboomu mittimma kaajjinshiro diinu saalanno. Diinu Itophiyu giddo kalaqantino gaance Tigirayete daganna Amaarunnita calla assate wo’naalino. Ikkollana duuchunku qoqqowira taraabbanno giiranna gobba diigate kaino cancishaanchu HWHT hexxosi Itophiya diiganna illaallisa ikkitinota duuchunku qoqqowi huwate gobba gatisate umisi qeecha fulino.
Xaano diina saalsiissanno mittimma leellishshanni afantanno Itophiyu dagara galatu hasiisanno. Tini yanna hiittenne yannannino roore gobboomu mittimma leellishshinote. Ee techora ikkitinokki mittimma ba’ona;techo Itophiya billaallatenna diigamatenni gatinso.
Diinu tenneetinkunni aliyye raga kai ola lamu qoqqowiha assirono Itophiyu daganna dagoomi Cancishaanchu HWHT aana mitto uurrinsha amadde tiyyidhe gibbinotanna mittoo’mite ka’inota buuxissino dirooti. Xa assinanni hee’noonni mittimmate gaadi Cancishaancho HWHT ra calla ikkikkinni Olantote dhukinni Itophiya kaajjishate. Mitte gobba wolambinaate keennannihu olantotenna olu uduunni dhukinniiti. Lawishshaho Ruusiya kayisa dandiinanni.
Itophiyu daga yannaasincho olu qajeelshanna uduunne afidhinokki waro mittoo’matenni diina qeeltino. Hakkawari hirbi techono mittimmatenni kaino. Techo egenno lexxitino yannara agurrena gowimmate warono Itophiyu Xaaleenaho anga di uyino. Bareendenke aanna ogimma lexxitino;Ogimmate oona mittoo’ma lexxitino. Yannaasinchu oli uduunni hajono yaachishshannota di ikkitino. Konni aana giddoyidi mittimma calla lende kaajjinshiro,Cancishaancho Junta mitte saantenni kiira agurre kalqete deerrinni qussitannonke jawaata gobba Ameerika reembeemmo dhuki hee’rannonke.
Atilet Belayineh Diinsamohu 17 diri ale Ameeriku gobbara keeshshino. Tenne lamala giddo Itophiyu diyaspoori dagooma keeru gaadaano riqiwe Itophioya dayinoha hasaawisate wo’naalloommo. Isi xawisinonke garinni gobbankera iillanni noo qarranna gobbayidi gobbuwa horrate assitanni noo cancishate gaadira xagichu Afoonke Mitto Foolenke Shitto assatella. Ameeriku Itophiyu Afriku uudinni wiinamu lopho aana noota buuxxe affino daafira daganke billa biinxa fushite duucha wote insa irkissanna huucci’raano ikkine hee’nammora hasidhanno yinohu atilet Belayineh;Ameeriku Cancishaanote yine Amaalete mininni muro sayinsoonni cancishaancho HWHT irkisate wo’naalansa saalsiissanno yino.
Itophioyu Cancishaancho Alshabaabi hunate assino irko di hanbannite. Ikkollana tenne habbe Ameeriku HWHT irkisate wo’naalansa hinaasaanchimma ikkinota daganke huwatte mittoo’ma callatenni sharrama hasiissanno yino.
Konni daafira cancishaancho HWHT kaimisinni cancishaancho ikkinoha mucuqqi assiniro,gaadinke latishshaho calla ikkannota huwante Itophiya diigate reewino Junta kaimisinni mucci assate Itophiyu daga olantote qote uurra hasiissanno!
Maaja 22 , 2013 M.D
