Addisu Adoola
Adaama: 2013 M.D Oromiyu Qoqqowira 2.2 miloone gishshi baatto aana 2.8 miloone baatto loosidhe galtino mannoota horaameeyye assate babbaxxino gidu dana wixa dandiinoonnita Oromiyu Dagoomu Qoqqowi Mootimma Pirezidaantichi Kalaa Shimellisi Abdisihu xawisi.
Caffe Oromiyu 6ki diri 5ki loosu sani 14ki baxxitino songora afame 2013 baajeettete diri diru loosu gumulo rippoorte shiqishinohu kalaa shimellisi Abdisihu, 2013 baajeettete diro loosantino baatto giddonni 1.6 gishsha wo’ma paakeejjenni winxate dandiinoonnita xawisino.
Qoqqowono ikko gobba xeena calla agadhe wixi’ratennni fushshateno hala’lado looso loonsoonni; konni kaiminni gorsu loosinni 687000 gishsha baatto latisate mixi’ne 849000 gishsha (123%) latisa dandiinoonni yiino. Konninnino 102 miloone kuntaala gamba assate mixi’ne laalotenna gummaagummatenni calla 86 miloone kuntaala gamba assate dandiinoonnita coy’rino.
Kalaa Shimellisi, badheessu yannara lame doychonni 382000 gishsha Qamade latisa dandiinoonniha ikkanna tenne baattonni 15 miloone kuntaala gamba assate mixi’ne 4.8 miloone kuntaala gamba assa dandiinoonnita xawisino.
Pirezidaantichu ledeno 2013 M.D hawadi laalchinni 5.9 miloone gishsha baatto laalchunni diwantinoha ikkanna konninnino 169 miloone kuntaali gidi afaminota rippoortesinni xawisino.
Jeefoteno pirezidaantichi Kalaa Shimelli, tayxe diro 8.2 miloone kuntaala madaabbara shiqishate mixi’ne 4.2 miloone kuntaala madaabbara (63%), 966000 kuntaala dancha wixa shiqishate mixi’ne 238000 kuntaala(24%) shiqisha dandiinoonnita xawise xaphooma yannaasinchu giwirinnu loosinni loonsoonni loosi hagiirsiisannoho yiino.
Bakkalcho Maaja 15/2013 M.D
