HWHT seejjote qaafo adha hoogase korkaatinni poletiku paartimmanni ho’litinota Itophiyu Gobboomu Doorshu Boorde egensiissu.
Itophiyu Gobboomu Doorshu Boorde HWHT poletiku paartimmanni fulase harunsite uyitino xawishshinni; konni alba HWHT cancishaanchimmate assootira beeqqase korkaatinni poletiku paartimmanni hoolloonniti qaangannite.
Ikkeennano Piritoriyu sumimme assinihu gedensaanni HWHT seeru afansha hoollanni gede sayinsoonni mu’ro ka’anno gede boorde Dotteessa 13, 2015 M.D xa’mitinota xawishshu leellishanno.
Ikkeennano, Boorde cancu assootira beeqqatenni poletiku paartimmanni hoolloonniti poletiku paarte seeru afansha hoollihu gedensaanni seeru afansha qolate dandiisiisanno seeri nookki daafira xa’mo adhamooshshe hoogasenni Onkoleessa 4,2015 M.D kiiro አ1162/11/15421 garinni borreessinoonni borronni xawaro qoltino.
Konninnino Boorde Ammajje 5,2017M.D kiiro አ1162/11/15421 garinni borreessinoonni borronni kiiro 3 aana worroonni Boordete muro aana paarte sasu agani yanna giddo seejjote qaafo adhitukkinni gatturo lallawu kiiro 1332/16 quwa 3(11) (ሐ) nna biddissu kiiro 25/2016 quwa 19(1) garinni boorde baxxitino harinsho harunsitukkinni paartete borreesso huntanno gede boorde murtino garinni paarte seejjote qaafo adha hoogasenni boorde Onkoleessa 5,2017 M.D assitino gambooshshinni paarte Onkoleessa 5,2017 M.D hananfe poletiku paartimmanni hoolloonnita murtino yiino.
Bakkalcho Onkoleessa 7, 2017 M.D
