Jawaata cigileri gargarooshshu olanto kakkalo baatatenni diinu sharre diigge Itophiya kaajjishshanni afantannota Olu Wolquwa Xaphoomu Itaamazhoor Shuume Fild Marshal Birhaanu Jula xawisino.
Olu wolquwa xaphoomu Itaamazhoor Shuume Fild Marshaal Birhaanu Jula, Galchimi hajajo 47ki diri safote ayyaana Neqqemtete xawira ayirrinsi yannara coyi’ranni; gargarooshshu olanto Itophiyunniha sufo noo keere buuxisatenna kaajjishate sokko fultanni afantanno.
Gobbate sufo noo keeri hala’leenna latishshu buuxisamannokki gede assate wo’naaltannori keere gibbanno wolquwa aana qaafo adhitanni afantannota qummeesse; konninnino keeru hala’lanni afamannota coyi’rino. Jawaata cigile olanto kakkalo baatatenni diinu sharre diigge Itophiya kaajjishshanni afantannota xawisino.
Galchimi hajajo mootimmanna gargarooshshu olanto naaxxitannota bareeda hajajo ikkase qummeesse; hajajo Itophiyu wonqo ikkatenni gobbansa agartanni afantanno yiino.
