Layinki diri Haaroo`mate Kofatto way wo`ma jeefo afidheenna way Kofattote birxichira sae du`nama hanafino. Itophiyu daganna baxxilaanose hawalle hagiidhitinoonni. Kuni gumi yaa lame terbaayne milli assate hasiissannonke way bikka amandoommo yaate.
Tayxe dirinni gananni noo xeeni bikki addintanni jawaho. Konninnino, kaaliiqinni uynooninke elto mageeshshi geeshsha jawa ikkkinoronna hiittoonni kaa`lanninke nooro huwata dandiineemmo. Konnirano kaaliiqira galatu iillosi.
Kageeshshi deerra iillankera tayxe dirrinni jawa looso loonsoonni. Muli yanna giddo lamenti terbaayne caabbicho burqissanno gede jawaata looso loonsoonni. Konninni, hakkonne muli aganna giddo jeefisatenni daafurinke guma iillineemmo.
Bakkalcho Maaja 15/2013 M.D
