Abebech Maatewoos
Mittu saykoloojete rosiisaanchi kifile e”e barru roso hanafate bilaakibordete widira alba wirri yaanno mereero rosaanote giddonni mittu fiiqanno.
Rosiisaanchuno rosaanote widira alba hige ay fiiqinoro xa`mannonsa. Rosaano baalanti sammi yitanno.
Pirofeeserchuno rosaanote “Techo roso gundoommo; kifiletenni fula’yara albaanni kayinni mitte dhagge kuleemmo`ne” yaanno. Baalanti rosaano quqquxante illensa rosiisaanchu widira fuxuruqqi assite macciishshate qixxaabbu. Pirofeeserchuno, “beri-hashsha goxano adha gibbe waadueta milli yaammora doogo fulummo.
Hakko mereero mitte girooserenni fultayi noo faayyicco seemo beetto ledo tuncu yinummo. Yanna hashsha ikkitinohura minisera geegiissammosera sumuu yine hasaambanni doogonke sunfummo. Hasaambanna shiimu xiqqeessi giddo iimaydi biinfille calla ikkikkinni biifaado ikkitino hedo nooseta ikkitinota afate yanna di-adhinoe. Ani piroofeesere ikkoommotanna hiikko rosiiseemmoro kulese, bilbilanke soorri`ne wole yanna xaadate barra assinummo. Baxxinammora ka`nummota kayinni “Mitto coye qarrisohe? Yit”’e ati rosiisatto kolleejjera ane rodii rosanno daafira atenna ane xaadooshshinni eeggate mittu qarrino iilloonkesi” yitue. Qarru dino yee su`masi xa`meemmo woyte kultue. Mittu gari su`mi noonsari batinye rosaano no. Rosaanote giddonni hiitto asse badammora dandeemmo? Yee xa`mummose.
Iseno “Rodii`yara mittu badooshshi noosi hakkuuyinni badattosi; isino fiqa baxanno” yitue. Pirofeeserchuno tenne coy`rita baalanti rosaano fiiqino beetti widira alba wirri yite la`u. Pirofeeserchuno “Saykoloojete PhD`ya rose ikkinnina di-hidheeti afi’roommohu!!” yaatenni fiiqino beettita macca amade kifiletenni fushshino.
Qarrubba tirate aye woteno surrenke horonsinno!
Bakkalcho Ella 24 / 2013 M.D
