Itophiyu daganni roore Tigirayete daga hajora qarratinore labbanno gobbuwa massagaanonna uurrinshuwa Tigirayete daga qarrunna shettote giddo ubbino yitanni keeshshitu. Tigiraye Olantote anganni fultanno gede gobbayidi gobbuwa cancitanni keeshshitu. Roorenkanni kaa’lo assineemmo yitanno mite mite uurrisha dukkisaano olanto di hasi’eemmo yitanni keeshshitu. Ikkollana Itophiyu Olanto agarte heedheennanni maaxante su’ma hunate kaa’lote gidenna uduunne haadhe Tigirayete qoqqowa e’inori Juntu iillishino gawajjonni lubbonsa hooggu.
“Tigirayete qoqqowi daga hudidhu,horrantu,reyitu, eddaranntunna mannihimmate qoossonsa kisantu yitanni tuqu xaadooshshira lallabbanni Itophiyu gashshoote su’ma huntanni keeshshitu. Xa kayinni tigirayete qoqqowi yannate geeshshi gashshooti ola uurrisanno gede itophiyu gashshoote xa’meenna, gashshootuno Tigirayete daga hawadi looso loosidhanno gede,hawuudhitanno gede hawadi wogga sa’a geeshsha olu uurranno gedenna IFDR olanto Meqele quchuma agurte fultanno gede hajajjio. Xaate Tigirayete kalaqantanno shoonna rewora, gaancete,
Horramate hattono mannihimmate qoosso kadonna xaaddannonsa hudera xa’mamannohu ayetikka?
Coyike aana Tigirayete qoqqowira sai 8 agani giddo 100 biiliyoone birra fulo assinoonni. Togo yinanni wote tini 100 biiliyoone birri fulo, olahonna olu uduunnira hattono olantote sagalera fultinota labboonke’ne! anfintee gede “ani rewummaro hayisso ciirtooke” yitino harricho gede Juntu doogo tattayise,buusa mure,horophilu fooliishsho xawo diige,caabbicho murmure,jajjabba uurrishuwa diigatenni mine onche xooqinoti qaangannite.
“Higannokki wosinchi mine shumaa’ranno” yaanno maammaashshintee gede onchite hadhino qae gatamarate, ittannonna aggannore hoogginno Tigirayete daga itisate 100 biiliyoone birri settu again giddo fulo ikkinota IFDR xaphoomu Ministerch Dr.Abbiyi Ahimedihu buuxisinowe! Ikkina 100 biiliyoonne 8 agani giddo mitto qoqqowa gwirro gatamaratenna daga itisate fullohu Juntu kalaqino korinni di ikkino? Togo assinanni hee’neennanni galatu nookkita huwantannilla hee’noonni
Woleteemmero hedeweelcho fultu 100 biliyoone birri Hiddaasete kofatto gedeeta lame gatamara dandiissannonkanni. Fulino woxi 13 anga Itophiyu bejejete mucuqqi. Kaliiqi abboonke!
Sa’u sanyo barra olanto Meqele Quchuminni fultanno gede hajanjita maaxante keeshshitino Juntu gaamo dukkisaanno quchumaho hechaammo kadduti,ga’a maaxante keeshshitinno gaamo xawo fultanno wote iillishshansara dadiitanno gawajjo addintanni kaajjitara dandiitinnota da”antinore labbanno.
Soorote barrinni hanaffe uyinoonninsa kaayyo horonsi’ra gibbe;giddosa nnaaxxillunni wonshite, gargarooshshu olanto aana iillishshino gawajjonni fultannokki qarri giddora e’u. mitu godaho maaxantu mitootu tenne kalqe keerunni yitu. Kaayyo eltunsari kayinni anga uyite 27 diri giddo qansootu aana gawajjo iillishshanni keeshshitu qorichu minira e’u. qorichu mini insa gatamartu wari gedeeha ikkoommero rossannonkannni. Ikkollanna mitte hige Profeser Meraara Guddiina sakka sayisinonsankanni; togo yee; “Kuni usuru mini ayi eannoro di anfoonnina seekkitine amadde” yaatenni himanino. Ikkollana hakkawarono naaxxillunni wo’mino wodaninsa di huwatinonkanni. Kayinnilla soorrote gashshooti biifisino qorichu minira e’e fooliishshidhu. Mitu kayinni godu giddo heedhe kaphu mashalaqqe sayissanni afantanno.
Itophiyu mootimma xa wolu balaxisiissanno dinyi loosi noose. Daga ille fushshite agadhitannohu,amuwinke ille fanannohu jireenyu birxichira fulate wowe ikkinohu Hiddaasete kofo hiikko coyinnino balaxxanno hajo ikkitinota duuchunku huwata hasiissanno. Ola waajjine agurroonniha dikkino. Olu ayerano di elanno. Elano hoogiro qarru kalaqamiro,gadachammiro ea di gattanno. Xa Tigirayete daga loosi’ra,hawuudha noonsa. Konniraati yannate geeshshira daga loosidhe gudda geeshsha ola uurrisa bee’o uyitanno. Ikkollana, tenne dagonni maaxame keeshshino Junti xa olanto agurte fultu kawa iillishara dandaanno qarra ayi tiranno? Taaga hecheemmo kadduri,ninke hee’noommo’ne yituri annimma adhitakka?
Yaareed Geetaachew
Bakkalcho Ella 24 / 2013 M.D
