Hindete Maharashatira gashshootira Solapur yaamamanno olliira hee`ranno dagoomi mittu budi noonsa. Murqa qaaqqo luphi yitino basenni eelallicho olate! Konni olliira ilantanno qaaqquulli tenne wosincho ikkitino budillitete rosichi amanyooti giddo sa`anno gede gadachantanno.
Qaaqquullu shoolenna onte meetire gottimma noosi bayichinni eelallicho olantannoha ikkanna eelaanni carqe bedeedde amadde uurrite agartannonsa mannootinni gawajjo iillitannonsakki gede agarantanno. Kuri dagoomu amma`no garinni konne amanyoote gumultino qaaqquulli heeshshonsanni dancha kaayyo xaaddannonsa.
Togoo daniti budillitete assooti gumulama hanafinkunni 7 xibbe diro kiirsiisino gede hendanni.
Konne bude mittu Suufi massagaanchi hanafisiisino gede kullanniha ikkanna musliimeno Hidootuno konne budu amanyoote gumultanni afantanno.
Bue:- Sewasew Culture
Bakkalcho Bocaasa 29, 2015 M.D
