Mannihimmate qoosso kisantino yine faajje assinoonniti Kalqete Dagoomi Mannihimmate Qoosso Ogeeyyeti “ripoorte” adhamooshshu nookkita Ministirootu Gutu Wolqa egensissino.
Tenne lamalara Komishiine Aliyye Itophiyu ragaanni gumulloonni mannihimmate qoosso lainohunni xiinxallo assinoommo yite fushhsitino “rippoorte” ola harinsoonni qooxeessinni boode misile calla amande lamenta bissa taalo la`noonniki garinni hattono xa`mo ka`anno deerrinni fushhshitinota ikkitinohura adhamooshshu dinose yite Ministirootu Gutu Wolqa uytino xawishhsinni egensiissino.
Ministirootu Gutu Wolqa Borro mini Sooreessi Dr. Taaddesse Kaasihu uyno xawishhsinni, konni albaanni mootimmate ledo e`noonni sumimme kaiminni Itophiyu Mannihimmate Qoosso Komishiine Halantino Mootimma Uurrinsha Aliidi Mannihimmate Qoosso Komishiine ledo ikkite Aliyye Itophiyi ragaanni olu korkaatinni gumulloonni jaddo gutu xiinxallo assinoonnitanna gumano Halantino Mootimma Adhitinoha ikkanna, Itophiyu Mootimmanno gamunni gama adhitinota qaagiissino.
Xiinxallo assoommo yaanno kaiminni fushshino “rippoorte” horontanni adhamooshshu nookkite, olunni gawajjo iillitinonsa Aliidi Itophiyu kifile karsikkinni boode misile amade fushshino.
Ledoteno, uurrinsha halaale coyidhino yine diammaneemmo; sa`enni xa`mo kalaqqanno ripoorte shiqqinotanna UN xiinxallote amuraatenna safaraancho wonshikkinni shiqqino xiinxallote “ripoorte” ikkitinota Dr Taaddese xawisino.
Itophiyu Mannihimmate Qoosso Komishiine Halantino Mootimma Uurrinsha Aliidi Mannihimmate Qoosso Komishiine ledo assitino xiinxallote guma faajje assitinoti qaangannita ikkkitanna; lamenti bissa harissino xiinxallote gumi wo`mahonna Halantino Mootimma Uurrinsha Mannihimmate Qoosso Komishiine Amaale Mineno adhamoshshu nootenna, xiinxallo taaloonyunna xambe noo doogonni loonsoonnita xawise galate sa`inoti qaangannite.
Mootummano riipoortete aana nooha amaalete hedo loosu aana hosiissa hanaffinnota anfoonnite.
Konne ikkeenna, mannihimmate qoosso kisote ripoorte, ikkitino gaamote wolquwa milli assitannohonna wole xagarro kalaqate yine loonsoonnita ikkitinohura diadhineemmo yiino.
Abrahaam Saamueel
Bakkalcho Wocawaaro 12, 2015 M.D
