
Gargarooshshu olanto hiikkonne olano ikkadimmatenni fulate dandiisiisanno dhuka kaajjishidhanni afantanno
Gargarooshshu olanto hiikkonne ola ikkadimmatenni fulate dandiisiisanno dhuka kaajjishidhanni afantannota Fild Maarshal Birhaanu Jula xawisi.
Bilaatte baxxino gaadi komaando qajeelshu mereershi 43ki doyicho Kaarramaarru korse qara komaando qajeelaano sa`u lamala giddo iibbadu amanyootinni maassiissino.
Maassote amanyooti aana afaminohu Fild Maarshal Birhaanu Jula assino hasaawinni; sa’u dirra giddo buqqeetenna mannimmate ikkadimmanni gatamarroonniri komaandotenna iiminni kubbate (Ayyer wolledete) qajeelaano batinyunninna islanchimmatenni qajeelte loosu giddora e’ino.
Maassamaanono hakkurinni roortino ikkadimma uddidhinorinna culku gede giiratenni fonqolante kaajjado rosicho afidhino bareedda ledo karsantinanni daafira naaxxillu macciishshama’nera hasiisanno yiino.
Gargarooshshu olanto muraminokki garinni qixxaawo kaajjishidhanninna woyyaawino deerra reekkantanni hadhanni afantannota xawise; dhaggete diinnanke soqqamaano Itophiyunna dagase aana halchitannohu goofote jili mamarono adda ikkannokkita olu wolquwa xaphoomu Itaamazhoorshuume Fild Maarshal Birhaanu Jula maassote yannara assino hasaawinni coyi’rino.
1kumi 446ki Id Al Adiha (Arafu) ayyaana iibbadu garinni ayirrinsoonni
1446ki Id Al Adiha (Arafu ayyaana) babbaxxitino gobbate qoqqowubbaranna quchummara iibbadu garinni ayirrinsoonni. Ayyaanu irkisamatenna mittimmate balchoomma xabbe leeltinota ikkasi amma’note harunsaano coyidhino.
1446ki Id Al Adiha kumbuulsha Addis Ababaho babbaxxino raginni dagginori amma’note harunsaano afantinowa Addis Ababu xawira gumulloonni. Amanyootu aana Itophiyu isliminnu hajubba xaphoomu amaale mini pirezidaante Sheh Haji Ibrahiim Tufahu afamino.
Dippiloomaasete biddissi taje haaroonsote tuqishsha halashshate kaa’litannota xawinsi
Itophiyu kalaqamu miinji woyyeesso lainohunni qixxeessinoonni dippiloomaasete biddissi taje haaroonsote tuqishsha halashshate kaa’litannota gobbayidi hajo ministirchi Geediyoon Ximootewoosihu (Dr) xawisino.
Gobbayidi hajo ministere kalqoomu daga Itophiyu daafira kalaqamu miinji woyyeesso illachira ikkado huwanyoote afi’nanni biddissa faajje assitinno.
Faajje assinoonniti “DIPLOMATIC GUIDE FOR THE HOME-GROWN ECONOMIC REFORM AGENDA” yaanno uminni qixxeessinoonni taje gobbayidi hajo ministere, woxu ministere, Itophiyu investimente holdingenna Itophiyu jiro maareekkote dikko halammenni qixxaabbinote.
Bakkalcho Ella 5, 2017 M.D