Albanke Layi`rate Hincilaallote Mule Uurrinammonkunni Hulete Mule Uurrino Mittu manchi gede, mini maate gede, dagoomu gede, saeno gobbate gede hincilaallote la”a calla ikkitukkini hulete widoonnino la”a hasiissanno. Mittu manchi, hincilaallote albaanni uurranno woyte la”annohu umosiiti. Manna ikkankenni meessaneetenke banxeemmo. Lowo yannara, hincilaallote albaanni uurrine nafa jawa xurenke woy ishininke roore leellannonkehunna la`neemmohu shiima meessaneetinke danchummaati.
Hattonni, mittu manchi hulete widoonni uurriro kayinni leellannosihu umisiha di-ikkino. Isiha wolootu la`anno. Isi hincilaallotenni layi`re maaxinohunna sammi yinohu bushunna ishinu xa leella hanafanno. Wolootu isiha xure, ishine la”a hanaffanno. Konnira, “Mannu mayyaannoe yinanninketa waajineemmo daafo, hulete widoonni uurrineemmo yannara meessaneetenke buunxeemmo.
Manchu beetti qarri, baalisi laafa midaadonke kullanni yannara uurrineemmohu hincilaallote albaanni callaati. Shollinyenke wolu afara di-hasi`neemmo. Gobba massaganno manchinni kayse aju akkali geeshsha hulete widoonni uurra hasi`rannohu dino. Wolu manni, jaalu, darawo, loosu miillankeno ikko maatenke ninkera hulete. Danchano bushano kultannonkereeti; dancha kulinonkeha banxe bunshenke kulinoha hanni ginbo. Illekkira ishinchu noona hoo`li yee kulannohehu atera rosiisaanchokkiitina baxisi.
Bakkalcho Onkoleessa 26/ 2013
