Wocawaaro 22/2015 M.Diro hananfanniti Itophiyu Beetikingete Pirimeere Liige kaayyo fushshate amuraate faajje assinoonni.
16 kilawe beeqqaano ikkitannoti 2015 M.D lekkate kowaase heewote kaayyo sa’u muli barruwa giddo fushshinoonniha ikkanna, hanafote barra godo`litanno godo`le anfoonni.
2014M.Diri Itophiyu Beetikingete heewo qeelinohu Qiduusi Giiyorgisi Itophiyu Medihine ledo xaaddannoha ikkanna, laynki deerra amade jeefisinohu Faasili Kanami Adaamu Quchumi ledo godo`le hanaffanno barra harissanno.
Wole liigete godo`le hanafantanno barra godo`litannori Itophiyu Buni Wolayta Dichu ledo xaadannoha ikkanno. Hattono Mechaali Hadiyyu Hosaanu ledo; Hawaasi Legexaafo Legedaadi ledo; BahirDaare Itophiyu Elektiriikete, Wolqixxe Arbaamincete ledo; DirreDawu Sidaamu Buni ledo assitanno umi lamala godo`lenni liige hanaffanno.
Godo`lete xawo lainohunni albaanni egennantinori qixxeessaano quchumma xa noo deerra la`ne qorqorri gedensaanni gumullanniha ikkinota heewotenna amuraatu komite massagaanchi Dr Wogene Walitenigus coyi`rino.
Bakkalcho Maaja 28 / 2014
