Abrahaam Saamueel
Haammatu hagiirsiisannohunna dhaggete loosi loosaminohu Origeeni Kalqete Atileetiksete Chaampiyoone gooffeenna wolu kalqete Atiletiksete champiyoonira base agurino. Sa`u Maaksanyote soodo hanafaminohu 20 diri wori Wedellu Atileetiksete Chaampiyoone taranya ikke atileetikisete maate illacha tugganno gede assino. Tini atileetikisete chaampiyoone boode yannara dancha hexxo tungeenna keeshshitanno. Suffino yanna Olompiiketenna Kalqete Atileetikse bareedda leeltannowanna wedellu atileetikise kalqete dagoomi ledo egennantannowa ikkanna, Kolmbiyu Quchumira heewo harnsanni hee`noonni.
Konni chaampiyoonira 145 gobbuwanni filantinori 1500 xibbi wedelli atileetooti beeqqaano ikkitanno gede kalqete atileetootu taje leellishanno. Itophiyuno tenne chaampiyoonera beeqqaano ikkitanno gobba giddo mitikiha ikkanna, togoo battalanni 117 meedaaliya gamba assidhe kalqetenni shoolki deerri aana ofoltino. Haammata wedellu atileetooti bue ikkinohu Itophiyu, sai diro Keeniyu qixxeessino heewora assinoonnite aana 12 meedaaliya gamba assite laynki deerra amdaddurono, Worqete meedaaliyinni qeelante deerru shaera shoolkiha fultinoti qaangannite
Techo sayikki barra amaddin tenne heewora Itophiyu 10 seenne 9 labballo xaphoomunni 19 Atileetoota 800 meetirenni kayse 5 kumi meetire geeshshi xeertinyinni gobbanke riqibbe heewisantanno. Itophiya riqibbanno gaamo lame doychonni beehante heewote battala hadhinoti qaangannite. Maakisanyote hashsha labballu atiletooti 15oo xibbi meetirenni gumulote heewo harissino.
Kalqete gaangawiinni gamba yitino wedellu atileetooti haammatu, tenne battala heewora umi yannara beeqqaano ikkitara dandiitanno. Qoleno 15 ikkitanno atileetooti agadhinannikki doogonni Origooni Kalqete A t i l e e t i k i s e t e C h a a m p i y o o n e r a gobbansa riqibbe beeqqaano ikka dandiitinoreeti. Konni merero Itophiyu Atiletitteno afantino. Tenne chaampiyoonera seennu 3 kumi meetire sarraaqote dodanshora gobbansa riqibbe heewisantinoti wedellite Simbo Alemaayyoti mitte lamala gedensaanni Kolombiya Kaalira afantino. 17 diriti wedellite Simbo konne diro jawaantese l e e l l i s h s h i n o h a ikkanna, Paarisete Diyaamende Liigera 9:09.19 ikkitino yanna bixxille maareekisunkunni muli yannalla ikkanno.
18 diro wori c h a amp i y o o n e r a xaano togoo jawaantenna dandoose kalqe farcidhanno gede assitino. Origenete heewora filli yannara ontikki deerra amadde fula dandiiturono, gumulote sa”a didandiitino. Ikkollana, Atileeticho noose gade horoonsidhe tenne chaampiyoonera dancha guma abbitanno yine agarranni. Simbo agurranna heewote aana beeqqaano ikkitanno atileetooti, luphiima heewo assite rosamino gede haammata meedaaliya gamba assite adhitanno yine agarranni.
Kunino hedotenni xeertinyu garinni beeqqaano ikkkitanno atileetooti noonsa saate doorantinota ikkatenni gumaho agarranninsa. Lawishshaho, 800 xibbi meetire labballuutera Ermiyaasi Girmihu umisi wiinamu saate 1:44.36 ikkanna, kunino xeertinyunni albisaancho atileeticha assannosi. Atileetichu 1500 meetirerano 3:36.28 wiinamu saate noosi. Kuni leellishannohu kuni Atileetichi lamunku xeertinyira gumaamo ikkanno kaayyo hala`lado ikkitinota xawoho leellishanno.
Kalqete Atileetikisete Pirezidaantichi tenne heewo lainohunni uyno xawishshi garinni; “Tini Chaampiyoonete heewo haaruudde dandoo afidhino wedelli fultannoho; ikkinohura baalunku jawa heewo ikitinota afa noonke. Awuropu kiironni 2022 Jamayku qansichi Kaawiiwu Yuseeni Bolti konni albaanni leellinokki dandooosinna dhukasi xawo fushshino battala ikkitino. Xaano Awuropu kiironni 2015 qole Siidineet Maakilageliinna Mondoo Dupilaantis yinanni wedellu Atileetooti dandoonsanna dhukansa leellishino. Kuri atileetooti Origeeni Kalqete Champiyoonera wiinamu saate annuwanna wolu aleenni wiinamu saate maareekkisiisino wedellaati” yiinota dagoomitte mashalaqqe qoolisinni afi`noommo mashalaqqe leellishshanno. Pirezidaanitichu sufe, tenne heewo hasiishshi haammatu wedelli atileetooti jajjabbu atileetooti widira sa`anno kaayyo rukkado ikkitino daafira tenne kaayyo halashshateeti yiino.
Ispoortete dandoo afidhino wedelli atileetoota badatenni sa`ne jawaachishateno tini heewo qara illachaati. Ispoortete ogeeyyeno ispoortetenni sasunna shoolu diri giddo leeltino soorro daa”attanno battala ikkannota hattono tenne heewo aana leellanno wedelli atileetooti 2024 Paarisete Olompiikera warri yite xabbanno battala ikkitanno gede caakkeessitannota xawisino.
Kalqete 20 diri Wori Atileetiksete Chaampiyoonera Itophiyu Umita Culkanna Birra Afi`ri Kolombiyaho Kaalira harinsanni hee`noonnihu Kalqete 20 diri wori wedellu Atileksete chaampiyoonera 5 kumi meetirenni labballu heewonninna 3 kumi meetire seennu dodanshote heewonni Itophiyu umita Culkunna Birru Meedaaliya adhino.
5 kumi meetire labballu jeefote dodansho heewonni Atileetichu Addisu Yihune14:03.05 ikkanno xiqqeessinni umiha ikke heewo jeefisino. Gobbasirano Culku meedaaliya abbino. Maaksanyote hashsha balanxe harinsoonni 3 kumi meetirenni seennu heewonni qolte Atileeticho Tsiyooni Abbebeti 9:03. 85 ikkitanno saatenni 2kita ikkite eatenni gobbasera Birru meedaaliya abbitino.
Ledoteno, labballu gaamonni Atileetichu Gebeuyyehu Belayihu, seennu gaamonni Atileeticho Birtukaani Wolde 4ki deerra amadde jeefisatenni dipolooma adhitino. Odoote bue Atileetiksete Federeshinenniti.
Bakkalcho Maaja 28 / 2014
