Mittu ollii giddo hee`ranno manchi noonka. Kuni manchi waa xashshunni hinkiilanni gashshootu minira ay woyiteno haa`re massanno. Waa hinkiilannoti lame maaqquwano noosinka. Kuri maaqquwanni waa hinkiile wonshanni gashshootu minira haa`re massannonka.
Lame maaqquwa giddonni mitte maaqqicho kayinni hiinxa noose, xashshunni taalo waa hinkiile wonshe haa`re massirono nafa gashshootu minira iillanno wote kayinni mitte maaqqicho wo`ma, hiinxa afidhino maaqqicho kayinni xe“a ikkitanonka.
Ko garinni manchu lamente maaqquwanni mitte wo`ma maaqqicho waa, layinki maaqqichora kayinni xe“a waa haa`re massanni seeda yanna keeshshi. Barrunni mitto barra kayinni hiinxa noosetinna ay woteno cophi cophi assitanni hadhanno maaqqicho manchoho togo yite woxarato shiqishshu.
Maaqqicho:-“Anenna jaala`ya bayidhe waa dirritanni haadhe massa hanafittonkunni lowo yaanna keeshshooto. Xiinxa nooeta ikke hee`reenna nafa waa hinkiiltanni keeshshooto, xa kayinni barru baala mootichi`ya albira xe“a waa amade shiqa saalffachishinoe. Jaala`ya ay wote wo`ma waa haadhe massitanno woyite ani kayinni barru baala xe“a shiqisha goowa`ya heeshshi yeemma gede assitinoe. Konni daafira anenni waa dirra agurittoro woyyannohe” yitu.
Maaqqichoyita mararsitanno hedo macciishinohu kuni manchi wodanchatenni hiinxa afidhino maaqqicho la“anni;-
Manchu:-“Techo waa dirrine hingeemmo woyite mitto coy leellisheemmohe” yee kulise. Hakkiinni waa dirrite higganna manchu waa duntanno maaqqicho uulla la`anni wodanchite hadhanno gede kulise. Maaqqichono yinoonnise gede assitu.
Ise widoonni muro la`u, guma laaltino akaakiltubba wodanchitu, illete biiffanno awabbano la`u. te`enne maaqqicho ragaanni kayinni mitturichino dinonka. Ay woyite mitte doogo hadhurono techo gede wodanchite la`e kayinni diegentinonka.
Manchu:-“Laitta jaala`ya ati dunattata afummo gedensaanni ate widoonni wixa wixummo, barru baala ate giddonni du`namanno wayinni gooronsa fultu, guma laaltu, awawano fushshidhu. Tini la“ata akaakilte baalanti ate widoonni callaati noohu. Layinki maaqqicho amadeemmo anga widoonni mitturichino dino. Kunni ka`a horo dinoe yitooti. Wole nafa gatteenna laafu midaadikki wolootaho horo noosi” yee huwachishise. Mito mito wote babbadooshenke la`ne calla horo dinoe ani dihasiiseemmo yine hasiissannokki shallaggo giddora e`nammoranna togoo hedo hendammora dadiineemmo manni haammatu hee`noommo, tinni kayinni sorote.
Wolu manni dandiino coy ninke dandaa hoogankenni calla xe“a ikkinoommo gede assine hendeemmori heenoommo. Wolootu caabbichi ikkinninna ninke caabbichi leellannonkekiihura tunsote giddonni folate wolqa hoongeemmo.
Hiinxa afidhino maaqqichora leellannosehu ti`i maaqqicho wo`ma waa amadase calla ikkinninna ise wayinni me“e muro fultanni nooro diwodanchitino. Ninkeno hattoontilla uminke caabbichi noonke ikkollanna wolootu mannita caakko hinaanseemmo. Wolootu wo`ma waa bayi`ra dandiiturono ate gede kayinni heeshsho gatisa di-dandiitanno. Ati insa gede wo`ma waa bayi`ra hoogisihero xe`nekki kayinni wolootu ciirtanno gede assitanno. Hexxo murtooti.
Bakkalcho Onkoleessa 19/2013
