Mitte kifile giddo rosaanosira haammata mini looso aatenni egennamino rosiisaanchi noonka. Rosaanono baxxannosikkihuranna maqayeno jigeessa ikkino daafira “Bootu” yite su`ma fushitinosi.
Barrunni mitto barra rosiisaanchu Naaramo, togo yee xa`misi:-
Rosiisaanchu:-Naaramo, lukkicho maa uyitannonke?
Naaramo:-Quuphe
Rosiisaanchu:-lowo geeshsha danchaho, maayyena diishshona maa uyitannonke?
Naaramo:-Malawo
Rosiisaanchu:-Danchaho! Bootu maa aannonke`ya? Yee xa’manno wote
Naaramo:-Mini looso!! yee dawari.
Bakkalcho Onkoleessa 19/2013
