Itophiyu Soojjatinna mereerimu Afiriki gobbara harinsoonni wdellu Atileetikisete Shaampoonira haammata meedaaliya gamba assite albisaancho ikkite jeefisiino.
Tayxe 4ki doyichora Taanzaaniyaho Daare Selaamete harinsoonni shaampoonera olluu gobbuwa dironsa 20 na 18 diri woroonni noo atileetoota beeqqaano ikkitino. 27 Atileetooti shaampoonete beeqqaano assinohu Itophiyu, dodanshote heewonni 100 meetirenni hanaffe ontu kumi geeshsha; hattono xawu godo`lenni xaphooma 20 heewote daninni lamunku ko/tenni beeqqite 22 meedaaliya qeela dandiitino.
Lamu barrira harinsoonni heewora, baalunku diri deerrinni Itophiyu 17 culka 3 birranna 2 nehaase hogoofidhino. Ledoteno, Itophiyu shaampoonete lame diipolooma borreessiise heewote aana luphiima guma abbite shaete aana umikki deerrira ofolla dandiitino. Gumaamma ikkitinori Itophiyu Atileetete liuukaanete gaamo Sanbatu barra heewo jeefisse gobbansara higgino. Daggu woyte Boole Horophilu Xaiwra dancha adhate amuraate assinoonninsa. Haa`ninsa yannara IFDR Budunna Ispoortete Ministire Ispoortete Handaari Ministerchi Dieetichi Ambaasadderi Mesfiini Cherinnetihu, Itophiyu Atileetete federeeshinehu Layinki Pirezidaantichi Gezahanyi Abberihu, Federeeshinete Loosu Gumulaasinete Komite Miillanna federeeshinete ogeeyye afantino.
Atileetootu borreessiisino guma kaimima aasine woxu baraarsha barru wosinchinni Ambaassaderi Mesfiini Cherinetihunninna Gezzahany Aberrihunni baraansoonninsa. Gaamote keeshsho lainohunni Soojjaati Afirikira Atiletiksete Maamari Layinki Pirezidaantichinna Itophiyu Atileetikisete Federeeshiine Pirezidaantitte Komaander Deraartu Tulluti xawishsha uytino. Konni kaiminni, gaamo keeshshitu yannara sagale, hodhishshunna fooliishidhanno bayichi qarri xaadinonsaha ikkirono, Itophiyimmate bareendenni qeelletenni jeeffissinohura guweenya aa hasiissannota coyidhino.
Afamino gumi dhaggenniha ikkinohuranna shaampiyooneno albillicho atileetikisete widoonni hexxo assi`nanniha ikkinota Federeeshinete layinki Pirezidaantichi Atileet Gezahanyi Aberrihu xawisino. Ministeeri Dieetichu Ambaassadder Mesfiini Cherinnetihu isi widoonni, gaamote miillara hawalle tashshi yiino`ne yitanno sokka saayse, “Itophiyu ga`a riqibbinannire ikkitinoonnire ki`ne gedeere agadhitanno`ne daafira jawaattine loosse” yee, qeelle dhaggennitenna kakkaooshshe kalaqannote yee huwachshino.
Abrahaam Saamueel
Bakkalcho Onkoleessa 25, 2014 M.D
