Kalqeteno ikko gobbanke deerrinni luphi yino deerrinni batidhanni daggino taraabbanno dhibbuwa mereerinni mitte mundeete xiiwooti. Mundeete xiiwo mundeete boombe bisi aana kalaqantanno wolqaati. Mundeete xiiwo barru giddo gotti yitaranna ajjara dandiitanno
. Ikkirono mundee seeda yannara gotti yite keeshshituro mundeete xiiwo kalaqantanno. Luphiima mundeete xiiwo hiittoo malaateno leellisha hooggara dandiitanno. Ikkollana Istrooke, wodanu hedeweelcho looso uurrisa, wodanu xissonna mulu looso uurrisanna labbannori fayyimmate qarrubba kalaqantara dadiitanno. Konni daafira saga’linanni amanyoote woyyeessatenni mundeete xiiwo ajisha dandiitannota handaaru ogeeyye amaaltanno.
Baxxinohunni konni woroonni worroonni sagalla mundeete xiiwo ajishate widoonni qeechinsa luphiima ikkisinni saga’linanni gede jawaachinshanni.
1. Shiima qiwaate noonsare adotenni afi’nanni sagalla Shiima qiwaate noonsa adonna geinto Potashiyeemete dancha kaima ikkitara
dandiitanno. Konninnino mannimmate seella giddo afantannota Soodiyeemete shiilo taahshshate kaa’litanno. Potaashiyeeme kayinni Soodiyeeme shumate ledo fushshatenni mundeete xiiwo ajishate kaa’litanno. Mite mite sagalete amanyooti biddishshuwa kayinni qansannorenna godowuyii noo amuwa lede dirinsanni honsu diri ale ikkinonsa manni barrunni Sase kokkobbe qiwaate batidhinokki ado aganno gede woyi konni ledo taaltinota adotenni afi’nanni sagalla afi’ranno gede amaaltanno.
2.Qulxu’me qulxu’me mundeete xiiwo ajishate jawa xaginaate ikkitinota kullanni. Baxxinohunni Salemuninna Sardin yinannire qulxu’mete sircho horonsi’ra mundeete xiiwo ajishate kaa’litanno. Qulxu’me baxxannokkiri mitu mitu mannooti qulxu’mete shiilo riqibbannore irkissanno sagalla ittanno gede xagisaano ogeeyyera amaa’la danchate.
3.Dash Aleenni xawinsi sagallate daninni ledote mannootu fayyimmate kaa’litanno sagalla saga’latenna Daash yianni saga’late amanyooti mixo harunsatenni mundeete xiiwonsa gargadha woyi ajisha dandiitannota handaaru ogeeyye qummi assitanno.
Tini saga’late mixo shiima qiwaate bikki noonsare, kolestiroolete co’o ikkitinorenna dandaamiro wo’munni wo’ma qiwaatetenni co’o ikkitino sagalla saga’la amaddanno. Mixo babbaxxitinorenna giddonsa taalo bikka sagalete shiilo amaddino sagalla saga’la amaddanno.
Konni gobbaanni saga’linanni mixo mannu gati muronna gummate laalo, hasiissannota sagalete shiilo baalanta amaddino sagalla, shiima qiwaate afidhinore adotenni afi’nanni sagalla, lukkuwunni afi’nanni sagalla, qulxu’menna Ocholooni saga’la hasiissanno. Gurchunni saga’linanni amanyooti mixo maala, coommado sagallanna agatto bikkunni horonsi’nanni gede gadachishshanno.
Togoohu saga’late amanyooti Potaashiyeemetenni, Kaalshiyeemetenna Magizhiyeemete shiilo amaddinore ikkansanni mundeete xiiwo ajishate widoonni assitanno kaa’lo lupniima ikkase handaaru ogeeyye kultanno. Bue:- Helz Tarofer ( Health Tarofer)
Qiddist Gezaheny
Bakalcho Badheessa 15, 2014 M.D
