Mittu fullanke xiinxallanno rosaanchi ammansiisate dandoosi farcishiishi`rate Diyogaaniwa shiqe “Ati baxittoro millimillote yinanni coy nookkita buuxisiisammohera dandeemmo” yiisi. Diyogaanino ka“e ha`ri.
***
Diyogaani huucci’reeti galinohu. Maayira huucci’ratto yine xa`mininanni woyte “Manna rosiisateeti” yino. Maatika rosiisattohu? yituta “Aate daafira rosiiseemmo” yino.
***
Mitte hige Diyogaani dureeyyete jilira woshshami. Jilu aana leellinohu mittu manchi Diyogaani akatinni aaramatenni miqicho olanni “Woshicho” yaanni xonama hanafi. Diyogaanino koyisamaanchunniwa shiqe lekka kayise aanaho shumaa’risi.
***
Mooranna Diyogaani amadinosi manchi noonka. “Moora looso`yaati” yaanni agurasira huucci’ranna Diyogaanira macca gantannosi. “Hattootiro qorichishamano loosokkiiti” yee siwiilunni ganinosi.
***
Diyogaani hiikkiinni dayinoro xa`mineennasi “Ani kalqete qansiichaati” yee qolino.
***
Xawu aana gumu noosi hasaawa harinsanni hee`neenna; Diyogaani aayino illachunni harunsanni nookkita wodanchi.
Hakkiinni mannu wodananna macca adhate sirbanna fiiqqisa hanafi. Hakkawontenni mannu baalu gamba yee doyissisi yannara “Haafa gede ikkitinanni heedhinanni mannaati ki`ne; egennote qaale macciishshate q i x x a a b b i n o o n n i r e dikkitinoonni kayinni guma afi’rinokki coye la“ate dodantinanni” yiinsa.
***
Bayiru Aleksaanderi albasi shiqe “Diwaajjattoeho?” yaatenni xa`misi. Diyogaanino “Maati ati? Bushahonso danchaho?” yee xa`misi. Aleksaanderi qolannoti “Ani danchaho” yiita Diyogaani “Danchare waajjannohu ayiti`ya hige?” yino yinanni.
***
Mittu manchi garunni hee`rate surre woy sano heedhasira hasiisanno. Bue:- Taaza metseete aaninni afinoonni borrooti.
Abbebech Maatewoos
Bakkalcho Ammajje 10, 2014 M.D
