Tini Albert Ansitayini egennooti. Dandiinannikkire didandeemmo yaa. Albert Anstayini Israeelete pirezidaante ikkara xa`minoonnisita affinoonni? Israeele gorgoroosu sannu kiironni 1948 nniiti xintantinohu.
Yannate gobba massagara doorame umiha israeelete pirezidaanticha ikke billoonye adhinohu Dr Hayim Wayizmaaniiti.
Rusiyaho ilaminohu baayote keemistichi Wayizmaan Asitooni babbaxxino gidu gumanna dinnicha karsiisatenni jiroonsino sayinsiisteeti.
Israeele gobba ikkite uurritanno gede assitino tuuqqa mereerinni mitto ikkinohu kuni manchi 1952 reyita yannate xaphoomu ministirchi Deeviid Ben- Guriyooni ameeriku ambaasaadderchi widoonni Yihudu sayinsiisterchira mitte sokka soy. “Israeelete pirezidaanticha ikkattora hasi`neemmo” yitannote sokka.
Anstayinino dawarosi woraqatu aana borreesse iillishi. togo yaatenni:- “Pirezidaante ikke owaateemmo gede shiqqinoe xa`monni lowo geeshsha kisamoommo; tenne shotu garinni sa`nannikki kaayyo adha hooga`yanni kayinni dadilloommo; saaloommo. Heeshsho`ya wo`ma cu`minanni hajubba la“anninna xiinxallanniiti keeshshoommohu. Mannu ledo hee`rannoe xaadooshshenna sumuumme rosiisi`rate kalaqamu dandoonna rosichu dinoe.
Tenne korkaatubbanni calla tenne jawa yawora ikkado dikkoommo” yino. Dancha lamala ikkito`ne! Bue:- Fullankete qoolinni
Bakkalcho Ammajje 3, 2014 M.D
