Yemakku girgiddu xullo horonsi`ratenni minu anni kaartoonetenni diwaminore amade e“anna la“anno.
Yemakku “Techo hiittoo sagale haa`re abbikka?” yee hagiidhanno. Ikkollana manchu minaamasira leellishate diwantino kaartoone fananno woyte woshshaadote. Yemmano masi; rahotenni irshu widira ha`re huuro gotti asse “Irshu giddo afantinanni saada! yemakku woshshaado woshshaandanni hee`noonni`ne. woshshaado… woshshaado!! Yaatenni kulannonsa.
Tenne huuro macciishshitinoti lukkicho heeshshi yitinowiinni gotti yite “Yemma kuni coy ate mageeshsha yaachishannohero e“annoe; kayinni ane dila“anno coyeeti maganu dandoo oohe” yitannosi. Mitiimma batidhinosi yemakki gerecho afantanno base mare minu anni yemakku woshshaado hidhe dayinota Kulannose.
Gerecho busha illenni la`annisi “Asse afeemmari dino yemma kaa`lammahera didandeemma yitannosi. Mini giddo heedhanno saada giddonni gatinosihu mittu bootoholla; yemakkuno
kaa`lo xa`mirate noowa maranno. “Woshshaado…woshshaado…yemakku woshshaado haadhe daggu” yee bootoho kulannosi; bootu maano lawisikkinni oso`lanni “Yemma may kisinohe! aneetiro gogi`ya nafa digawajjamanno; fulatto doogo umikkinni ma`li” yee shorrannosi.
Yemakkuno lowo geeshsha aaraawe goowasi heeshshi yee baatto loosi`re galino manchi woshshaadino woshshaado callichisi sharramara minira higi. Hakko barra hashsha mannu baalu goxe hee`reenna woshshaado luphiima huuro macciishshiishshu. Manchu galte waadannoe yemakki amadaminoe yite woshshaado noo base martanno.
Tunso ikkinohura mayi amadaminorono affukkinni yemakku farro laweennase woshshaadotenni amadamino hamashshi afoo qaphi assite amaddanno. Hamashshuno ga`mise, qasise. Loosi`re galino manchino rahotenni hospitaale massannose; xagisidhu gedensaanni minira higgu. Kayinni umu damuume diagurtinose. Lukkichu maali
togoo damuumera dancha xagicho ikkinota anfoommo hajootina baatto loosi`re galino manchi mini giddo noo lukkicho gorri. Kayinni xissosenni woyyaabbara didandiitino; xissose kaajjitanni hadhu. Qooxeessu manni xa`masera timbiliqqi yaa hanafi; baatto loosi`re galino manchi tenne wosinna wosinsi`rate mini giddo afamanno gerecho gorri.
Manchu galte hospitaalete xagisidhanni keeshshitu gedensaanni reytu. Konni korkaatinni mannu baalu m a d a a r s i i s a t e day; madaarsiisi. M a d a a r s h u gedensaanni minira maranno wosinira baatto loosi`re galino manchi booto gorrino. Yemakku kayinni lubbotenni gatino.
Y e m a k k u konne assoote baala girgiddu xullo widoonni da“atanni noonkanni. Assootinsannino lowo geeshsha dadillino.
Tini harancho borro jawa roso uytanno. Mittu manchi qarru aana noota la`ne ane qarra di ikkino yine sa`neemmori dihoongeemmo; anfinte gede baalinke heeshshote yinanni doogo aana beeqqaanote.
Ikkinohurano mimmito kaa`lanna irkisa hasiissannonke; kuni coy ane la“annoha dikkino yine hendummoro nafa ledote kaa`lo aa hasiissannanke badhera higa dinonke.
Abbebech Maatewoos
Bakkalcho Arfaasa 19/ 2014 M.D
