Abbebech Maatewoos
Manchu no yinoonni dureessaati! Ikkollana woxunna jiro noosi ikkinnina hagiirru dinosi. Konni korkaatinni hoogino coye afi`rate mittu hayyichiwa mare “Tenne baala almaazenna culka duqqe hee`renni hagiirre afi`ra dandoommokkihura eeggatenna hagiirre afi`ra dandeemmo doogo kulie” yaannosi.
Hayyichuno “Tini shota xa`mootina. Seejjo`ya eemmohena hanni anga amadootto culkanna almaaze uulla wodhi” yaannosi. Dureessuno shiilotenni wo`mino culka uula wori. “Hayyichaho” yinoonni manchi qarrasi tidhara marino dureessa amaala hasiissannasi, awaawure jirosi baala adhe ba`annosi.
Dureessuno tonaa ontu barri geeshsha hayyichaho yinoonni mooraancho hasanni keeshshi; xaadasira dandiinokkihuranna woxesino
hagiirresino mitteenni hooginohura meessaneetesi rumanni qaesi higanni hee`re hedeweelcho doogote aana konne hayyicha xaadanno.
Hakkiinnino hayyichu qote cu`me amade almaazetenni wo`mino ogoro angara adhi gedensaanni “Afirummosi …Afirummosi!” yaanni hagiirrunni xuuphisa hanafanno woyte hayyichu manchi dureessu maccawa shiqqi yee “Laitto rodoo`ya hagiirru yaa hoogootto coye wirro afiirate!” yiinosi yinanni
Bakkalcho Sadaasa 28/ 2014
